നീലേശ്വരം: പെരുങ്കളിയാട്ടത്തിനൊരുങ്ങുന്ന നീലേശ്വരം തട്ടാച്ചേരി വടയന്തൂർ കഴകത്തിൽ ഇന്ന് പെരുങ്കളിയാട്ടമേൽപ്പിക്കൽ ചടങ്ങ് നടക്കും.

രാവിലെ 9.48 നും 10.40 നും മധ്യേയാണ് ചടങ്ങ്. നിലംപണിക്കും ഇതോടെ തുടക്കം കുറിക്കും. 19 നു രാവിലെ 8.48 നും 10.48 നും മധ്യേ പാലയ്ക്ക് കുറിയിടൽ ചടങ്ങ് നടക്കും. ക്ഷേത്രം കോയ്മ കെ. സതീശൻ നമ്പ്യാരുടെ നീലേശ്വരം പള്ളിക്കരയിലെ തറവാട് പറമ്പിലാണ് ചടങ്ങ്. 22 നു രാവിലെ 8 നും 10നും മധ്യേ കന്നിക്കലവറയ്ക്ക് കുറ്റിയടിക്കും. ഫെബ്രുവരി 4 മുതൽ 11 വരെയാണ് പെരുങ്കളിയാട്ടം.

ലൈബ്രറി കൗൺസിൽ സെമിനാർ

പിലിക്കോട്: ഹൊസ്ദുർഗ് താലൂക്ക് ലൈബ്രറി കൗൺസിലിന്റെ ആഭിമുഖ്യത്തിൽ 'ഭയം, മൗനം, ആവിഷ്‌കാരം' എന്ന വിഷയത്തിൽ സെമിനാർ സംഘടിപ്പിച്ചു. പടുവളം സി.ആർ.സി ലൈബ്രറിയിൽ നടന്ന സെമിനാർ സംസ്ഥാന ലൈബ്രറി കൗൺസിൽ സെക്രട്ടറി അഡ്വ. പി. അപ്പുക്കുട്ടൻ ഉദ്ഘാടനം ചെയ്തു.
താലൂക്ക് പ്രസിഡന്റ് പി. വേണുഗോപാലൻ അധ്യക്ഷനായിരുന്നു. പ്രൊഫ. സി.പി. ചിത്രഭാനു വിഷയാവതരണം നടത്തി. ഡോ. സി. ബാലൻ, കെ.വി സജീവൻ ചർച്ചയിൽ പങ്കെടുത്തു. വിവിധ വായനാമത്സര വിജയികൾക്ക് ജില്ലാ പ്രസിഡന്റ് ഡോ. പി. പ്രഭാകരൻ സമ്മാനദാനം നടത്തി. ജില്ലാ വൈസ് പ്രസിഡന്റ് വാസു ചോറോട്, പി. ദാമോദര പൊതുവാൾ, താലൂക്ക് സെക്രട്ടറി ടി. രാജൻ, പി.വി പ്രഭാകരൻ എന്നിവർ സംസാരിച്ചു. ഗ്രന്ഥശാലാ പ്രവർത്തക സംഗമത്തിൽ സി.വി വിജയരാജൻ അധ്യക്ഷനായിരുന്നു. പി. രാമചന്ദ്രൻ, എം.പി ശ്രീമണി, സി. കൃഷ്ണൻ നായർ, പപ്പൻ കുട്ടമത്ത്, വി. ചന്ദ്രൻ, പി.വി ദിനേശൻ എന്നിവർ സംസാരിച്ചു.