കാസർകോട്: യുവാവിനെ കുത്തിപരിക്കേൽപ്പിച്ച കേസിലെ പ്രതിയെ പൊലീസ് അറസ്റ്റ് ചെയ്തു. അടുക്കത്ത്ബയൽ ഗുഡ്ഡെ ടെമ്പിൾ റോഡിലെ അശോകി(35)നെ കുത്തിപ്പരുക്കേൽപ്പിച്ച കേസിൽ പ്രതിയായ സന്തു എന്ന സന്തോഷി(36)നെയാണ് കാസർകോട് സി ഐ സി എ അബ്ദുൽറഹീം അറസ്റ്റ് ചെയ്തത്. കഴിഞ്ഞ ദിവസം രാത്രി ഗുഡ്ഡെ ടെമ്പിൾ റോഡിലെ വാട്ടർ ടാങ്കിന് സമീപത്താണ് അശോകിന് കുത്തേറ്റത്. അശോക് മംഗളൂരുവിലെ ആശുപത്രിയിൽ ചികിത്സയിലാണ്. മദ്യപാനത്തെ ചൊല്ലിയുണ്ടായ തർക്കത്തിനിടെയാണ് അശോകിന് കുത്തേറ്റത്.സന്തോഷ്, വധശ്രമം ഉൾപ്പെടെ ഇരുപത്തഞ്ചോളം കേസുകളിൽ പ്രതിയാണെന്ന് പൊലീസ് പറഞ്ഞു.