കോഴിക്കോട്: കോഴിക്കോട് തളി ശ്രീ മഹാഗണപതി ശ്രീ ബാലസുബ്രഹ്മണ്യ ക്ഷേത്രത്തിൽ കുമാര ഷഷ്ഠി ആഘോഷിച്ചു. മഹാഗണപതി ഹോമത്തോടെ പൂജകൾ ആരംഭിച്ചു. തുടർന്ന് മഹന്യാസപൂർവ്വം പൂർണ്ണാഭിഷേകം, രുദ്രാഭിഷേകം, പഞ്ചാമൃത അഭിഷേകം, പാൽ അഭിഷേകം, ഭസ്മാഭിഷേകം, നെയ്യഭിഷേകം, തേൻ അഭിഷേകം, കളഭാഭിഷേകം എന്നിവ നടന്നു. ആഘോഷത്തിന്റെ ഭാഗമായി വിശേഷാൽ പൂജകളായ കുമാരപൂജ, കുമാരഭോജനം, സഹസ്രനാമാർച്ചന, പാനകപൂജ, ഭജന എന്നിവയും നടന്നു. ഉച്ചക്ക് പ്രസാദ ഊട്ടും നടന്നു. പൂജാദി കർമ്മങ്ങൾക്ക് തളി ബ്രാഹ്മണ സമൂഹം പുരോഹിതൻ വെങ്കിട്ടരാമ വാധ്യാർ, ക്ഷേത്രം പുരോഹിതൻ ബാലസുബ്രഹ്മണ്യ ശർമ്മ എന്നിവർ കാർമ്മികത്വം വഹിച്ചു.