കോഴിക്കോട്: ജില്ലയിലെ പ്രധാന വിനോദ സഞ്ചാര കേന്ദ്രമായ പയംകുറ്റിമല രണ്ടാഘട്ട ടൂറിസം പ്രവൃത്തി ഉദ്ഘാടനം ഡിസംബർ 19 ന് വൈകീട്ട് നാല് മണിക്ക് വിനോദ സഞ്ചാര വകുപ്പ് മന്ത്രി കടകംപളളി സുരേന്ദ്രൻ നിർവ്വഹിക്കും.

തൊഴിൽ മന്ത്രി ടി.പി. രാമകൃഷ്ണൻ അദ്ധ്യക്ഷത വഹിക്കും. പാറക്കൽ അബ്ദുളള എം.എൽ.എ മുഖ്യപ്രഭാഷണം നടത്തും. സി.കെ. നാണു എം.എൽ.എ മുഖ്യാതിഥിയായിരിക്കും. വില്ല്യാപളളി ഗ്രാമപഞ്ചായത്ത് പ്രസിഡന്റ് കെ.കെ. മോഹനൻ ഭൂമി കൈമാറ്റം നടത്തും. സർക്കാർ അനുവദിച്ച രണ്ട് കോടി 15 ലക്ഷം രൂപ വിനിയോഗിച്ചാണ് പയംകുറ്റിമല രണ്ടാംഘട്ട ടൂറിസം പ്രവൃത്തി നടത്തുന്നത്.