മാനന്തവാടി: മാനന്തവാടി എം.ജി.എം.എച്ച്.എസ്.എസ് ലെ കൂട്ടുകാർ പ്രളയം കവർന്ന വയനാട്ടിലെ തോട്ടം തൊഴിലാളി മേഖലയിലെ യുവതിയുടെ വിവാഹം നടത്തുന്നു. ഡിസംബർ 30 തിങ്കളാഴ്ച 11.30 ന് സ്‌കൂളിൽ കുട്ടികളൊരുക്കുന്ന സ്‌നേഹപന്തലിൽ വച്ചാണ് നിക്കാഹ്. തുടർന്ന് 2000 പേർക്കുള്ള സദ്യയും ഒരുക്കുന്നുണ്ട്. വധുവിനും വരനും വേണ്ട ആഭരണങ്ങളും വസ്ത്രങ്ങളും കുട്ടികളാണ് നൽകുന്നത്. വിവാഹദിവസം മാപ്പിള കലകളുടെ അവതരണവും ഉണ്ടാകും. ഐ.സി ബാലകൃഷ്ണൻ എം എൽ എ, മുൻ മന്ത്രി പി.കെ ജയലക്ഷ്മി, നഗരസഭ ചെയർമാൻ വി. ആർ പ്രവീജ്, എടവക ഗ്രാമ പഞ്ചായത്ത് പ്രസിഡന്റ് ഉഷ വിജയൻ തുടങ്ങിയവർ പങ്കെടുക്കും.

വിദ്യാർത്ഥികളുടേയും പി.ടി.എയുടേയും സ്‌കൂൾ മാനേജർ സഖറിയ വെളിയത്ത്, പ്രധാന അദ്ധ്യാപകൻ മാത്യു സഖറിയ, കോ ഓർഡിനേറ്റർമാരായ ജിതേഷ് ജോസ്, സ്‌നോബി സ്മിതേഷ് എന്നിവരുടേയും നേതൃത്വത്തിലാണ് ഒരുക്കങ്ങൾ നടക്കുന്നത്. ഒരു സ്‌ക്കൂൾ ഇത്തരത്തിൽ ഒരു വിവാഹ ചടങ്ങ് ഒരുക്കുന്നത്‌ ഇതാദ്യമായാണ്.