കോഴിക്കോട് : വാഹനാപകടത്തിൽ പരിക്കേറ്റ് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന മദ്രസാധ്യാപകൻ മരിച്ചു. മൂഴിക്കൽ കോരക്കാത്ത് പരേതനായ അബൂബക്കറിന്റെ മകന്‍ സുബീര്‍ (36) ആണ് മരിച്ചത്. കഴിഞ്ഞ വ്യാഴാഴ്ച രാത്രി 11.45 ന് കാളാണ്ടിതാഴം ജംഗ്ഷനിലായിരുന്നു അപകടം. വാഹനാപകടത്തില്‍ പരിക്കേറ്റ സുഹൃത്തിനെ സഹായിക്കാൻ മെഡിക്കല്‍ കോളേജ് ആശുപത്രിയിലേക്ക് പോകും വഴി എതിരെ വന്ന കാര്‍ ഇടിക്കുകയായിരുന്നു.മെഡിക്കല്‍ കോളേജ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലിരിക്കെ തിങ്കളാഴ്ച പുലര്‍ച്ചെ മരണപ്പെട്ടു. ജനാസ നമസ്‌കാരം ചെലവൂര്‍ പുളിക്കല്‍ ജുമുഅ മസ്ജിദില്‍ നടന്നു. മാതാവ്: സക്കീന. ഭാര്യ: സുബൈനത്ത്. മക്കള്‍: ഹുസ്നി ബക്കര്‍, മുന സൈനബ്. സഹോദരിമാര്‍: സുബിയാനത്ത്, ഹസീന, നദീറ.