വൈക്കം : ഉദയനാപുരം സുബ്രഹ്മണ്യസ്വാമി ക്ഷേത്രത്തിലെ തൃക്കാർത്തിക മഹോത്സവത്തിലെ പ്രധാന ചടങ്ങായ ഉത്സവബലി നാളെ ആരംഭിക്കും. ഉത്സവത്തിന്റെ നാല്, എഴ് ദിവസങ്ങളിലാണ് ഉത്സവബലി നടത്തുന്നത്. തന്ത്റിയുടെ കാർമ്മികത്വത്തിലാണ് ചടങ്ങ്. രാവിലെ ശ്രീബലി കഴിഞ്ഞാൽ ശ്രീഭൂതബലിക്ക് പകരം ഉത്സവബലി നടത്തും. നാലമ്പലത്തിനകത്തും പുറത്തുമുള്ള ദേവപാർഷന്മാർക്കും തൽപാർഷദൻമാർക്കും ജല ഗന്ധ പുഷ്പ ധൂപ ദീപം മേതം ഹവിസ് ബലി അർപ്പിക്കുന്നതാണ് ചടങ്ങ്.ദേവാസുര, ഗന്ധർവ്വ, യക്ഷ, പിതൃ, നാഗ, രാക്ഷസപിശാച ഗേഹങ്ങളിലുള്ള എല്ലാവരെയും സങ്കൽപ്പിച്ച് ഹവിസ്സ് തൂകുന്ന ചടങ്ങും ഉത്സവബലിയുടെ ഭാഗമാണ്. ശ്രീഭൂതബലിക്കും ഉത്സവബലിക്കും ആറാട്ടിനും മാത്രമാണ് വിശേഷപ്പെട്ട മൂല ബിംബം ശ്രീകോവിലിൽ നിന്നും പുറത്തേക്ക് എഴുന്നള്ളിക്കുന്നത്. ഉപവാസത്തോടെ ഉത്സവബലി ദർശനം നടത്തുന്നത് ശ്രേയസ്കരമാണെന്നാണ് വിശ്വാസം.