കോട്ടയം : ഭാരത് ധർമജനസേന (ബി.ഡി.ജെ.എസ്) നാലാം ജന്മദിന സമ്മേളനം നാളെ കോട്ടയം നെഹ്രുസ്റ്റേഡിയത്തിൽ നടക്കും. കോട്ടയം, ഇടുക്കി, ആലപ്പുഴ ജില്ലകളുടെ സംയുക്താഭിമുഖ്യത്തിലാണ് പരിപാടി. ഉച്ചകഴിഞ്ഞ് 3ന് നടക്കുന്ന സമ്മേളനം സംസ്ഥാന അദ്ധ്യക്ഷൻ തുഷാർ വെള്ളാപ്പള്ളി ഉദ്ഘാടനം ചെയ്യും. കോട്ടയം ജില്ലാ പ്രസിഡന്റ് എം.പി.സെൻ അദ്ധ്യക്ഷത വഹിക്കും. ബി.ജെ.പി ദേശീയ നിർവാഹകസമിതി അംഗം പി.കെ. കൃഷ്ണദാസ് മുഖ്യാതിഥിയാകും. ബി.ഡി.ജെ.എസ് സംസ്ഥാന ട്രഷറർ എ.ജി. തങ്കപ്പൻ ജന്മദിനസന്ദേശം നൽകും. സംസ്ഥാന സെക്രട്ടറി പി.ടി. മന്മഥൻ, ബി.ജെ.പി ജില്ലാ പ്രസിഡന്റ് എൻ.ഹരി എന്നിവർ മുഖ്യപ്രഭാഷണം നടത്തും. സംസ്ഥാന ഭാരവാഹികളായ കെ.കെ.മഹേശൻ, എൻ.കെ. നീലകണ്ഠൻ മാസ്റ്റർ, ബി. സുരേഷ് ബാബു, പി.എസ്. രാജീവ്, പി.എസ്.എൻ. ബാബു, സിനിൽ മുണ്ടപ്പള്ളിൽ, സന്തോഷ് ശാന്തി, കെ.പി. ഗോപി, കെ.ഡി.രമേശ്, പി.രാജൻ, അനിൽ തറനിലം, എം.ബി.ശ്രീകുമാർ, ബിജു മാധവൻ, എസ്.ഡി. സുരേഷ് ബാബു, അഡ്വ.കെ.എം.സന്തോഷ് കുമാർ, ആലപ്പുഴ ജില്ലാ പ്രസിഡന്റ് ഷാജി എം. പണിക്കർ, ഇടുക്കി ജില്ലാ പ്രസിഡന്റ് വി.ജയേഷ് തുടങ്ങിയവർ പ്രസംഗിക്കും.

കോട്ടയം മണ്ഡലത്തിൽ നിന്ന് 500 പേർ പങ്കെടുക്കും

ബി.ഡി.ജെ.എസ് നാലാം ജന്മദിനസമ്മേളനത്തിൽ കോട്ടയം നിയോജകമണ്ഡലത്തിൽനിന്ന് 500 പ്രവർത്തകരെ പങ്കെടുപ്പിക്കാൻ മണ്ഡലംകമ്മിറ്റി തീരുമാനിച്ചു. ജില്ല സെക്രട്ടറി പി.അനിൽകുമാർ ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് അഡ്വ.ശാന്താറാം റോയ് തോളൂർ അദ്ധ്യക്ഷത വഹിച്ചു. ജോ.സെക്രട്ടറി റിജേഷ് സി. ബ്രീസ്‌വില്ല മുഖ്യപ്രഭാഷണം നടത്തി. ജില്ല കമ്മിറ്റി അംഗങ്ങളായ സുരേഷ് വട്ടയ്ക്കൽ, പി.എൻ. വിജയൻ തുടങ്ങിയവർ പ്രസംഗിച്ചു.