കോട്ടയം: ബന്ധുക്കളുടെ ആശങ്കകൾക്ക് വിരാമമിട്ട് റാന്നി പൊലീസ് സ്‌റ്റേഷനിലെ പ്രിൻസിപ്പൽ എസ്.ഐ കഞ്ഞിക്കുഴി സ്വദേശി ജോർജ് കുരുവിള (38) ഇന്നലെ വീട്ടിൽ തിരിച്ചെത്തി. ഇയാളെ കാണില്ലെന്ന് കാട്ടി കഴിഞ്ഞ ദിവസം ബന്ധുക്കൾ കോട്ടയം ഈസറ്റ് സ്റ്റേഷനിൽ പരാതി നൽകിയിരുന്നു. വേളാങ്കണ്ണിയിൽ പോയതാണെന്നും കൂടുതൽ പ്രതികരിക്കാനില്ലെന്നുമായിരുന്നു അദ്ദേഹത്തിന്റെ മറുപടി. കഴിഞ്ഞ ശനിയാഴ്ച കഞ്ഞിക്കുഴിയിലെ വീട്ടിൽ നിന്ന് റാന്നിയിലേക്ക് പോയെങ്കിലും സ്‌റ്റേഷനിൽ എത്തിയില്ലെന്ന് വിവരം ലഭിച്ചപ്പോഴാണ് കാണാതായ വിവരം വീട്ടുകാർ അറിയുന്നത്. ജോർജ് കുരുവിള ഇത്തരത്തിൽ മുങ്ങിയ സംഭവം മുമ്പും ഉണ്ടായിട്ടുണ്ടെന്ന് പൊലീസ് പറഞ്ഞു.