പാലാ : മുരിക്കുംപുഴ ദേവീക്ഷേത്രത്തിലെ നവീകരിച്ച ദേവസ്വം ഓഡിറ്റോറിയത്തിന്റെയും എൻ.എസ്. എസ് കരയോഗം ഓഫീസിന്റെയും ഉദ്ഘാടനം 22 ന് നടക്കും. രാവിലെ 9.45 ന് ദേവസ്വം ഓഡിറ്റോറിയത്തിന്റെ ഉദ്ഘാടനം സുരേഷ് ഗോപി എം.പി നിർവഹിക്കും. കരയോഗം ഓഫീസിന്റെ ഉദ്ഘാടനം ജോസ്.കെ.മാണി എം.പി നിർവഹിക്കും. മാണി.സി .കാപ്പൻ എം.എൽ.എ മുഖ്യപ്രഭാഷണം നടത്തും. കരയോഗം പ്രസിഡന്റ് അഡ്വ.ലാൽ പി.കെ. പുളിക്കകണ്ടം അദ്ധ്യക്ഷത വഹിക്കും. നഗരസഭാ കൗൺസിലറും എൻ.എസ്.എസ് മീനച്ചിൽ യൂണിയൻ പ്രതിനിധിയുമായ അഡ്വ.ബിനു പുളിക്കക്കണ്ടം സ്വാഗതം പറയും. ഡയറക്ടർ ബോർഡ് അംഗം സി.പി. ചന്ദ്രൻനായർ മുഖ്യപ്രഭാഷണം നടത്തും. യൂണിയൻ സെക്രട്ടറി രഘുനാഥൻ നായർ പ്രസംഗിക്കും. പ്രമുഖ സോപാന സംഗീതജ്ഞൻ തൃക്കാരിയൂർ സുരേഷ് സോപാന സംഗീതവും, കലാമണ്ഡലം ബിലഹരി എസ്.മാരാർ കാവ്യാർച്ചനയും നടത്തും. കരയോഗം സെക്രട്ടറി രമേശ് കെ.പി നന്ദി പറയും.