പാലാ : മീനച്ചിൽ ഗ്രാമപഞ്ചായത്തിന്റെ പുതിയ ഓഫീസ് സമുച്ചയം മന്ത്രി എ.സി മൊയ്തീൻ ഇന്ന് രാവിലെ 11 ന് ഉദ്ഘാടനം ചെയ്യും. മാണി സി. കാപ്പൻ എം.എൽ.എ അദ്ധ്യക്ഷത വഹിക്കും. ഫ്രണ്ട് ഓഫീസ് പ്രവർത്തനം ജോസ് കെ.മാണി എം.പി ഉദ്ഘാടനം ചെയ്യും. തോമസ് ചാഴികാടൻ എം.പി മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് അഡ്വ.സെബാസ്റ്റ്യൻ കുളത്തുങ്കൽ, ജില്ലാ കളക്ടർ പി. കെ സുധീർ ബാബു, കില ഡയറക്ടർ ഡോ. ജോയ് ഇളമൺ, പഞ്ചായത്ത് അഡീഷണൽ ഡയറക്ടർ എം.പി. അജിത് കുമാർ, ഡെപ്യൂട്ടി ഡയറക്ടർ ബിനു ജോൺ. ജില്ലാ പ്ലാനിംഗ് ഓഫീസർ ടെസ് പി. മാത്യു, ജനപ്രതിനിധികൾ തുടങ്ങിയവർ സംസാരിക്കും. ഗ്രാമപഞ്ചായത്ത് പ്രസിഡന്റ് റെനി ബിജോയി സ്വാഗതവും , സെക്രട്ടറി എം. സുശീൽ നന്ദിയും പറയും.