വൈക്കം: താലൂക്ക് ചെത്തുതൊഴിലാളി യൂണിയൻ (എ.ഐ.ടി.യു.സി) കല്ലറ പഞ്ചായത്ത്തല കുടുംബസംഗമം യൂണിയൻ ജനറൽ സെക്രട്ടറി ടി.എൻ രമേശൻ ഉദ്ഘാടനം ചെയ്തു. ചെത്ത് തൊഴിലാളി യൂണിയന്റെ 75ാം വാർഷികാഘോഷത്തിന്റെ ഭാഗമായാണ് കുടുംബസംഗമം നടത്തിയത്. കല്ലറ വ്യാപാരഭവൻ ഹാളിൽ നടത്തിയ സംഗമത്തിൽ യൂണിയൻ ജോയിന്റ് സെക്രട്ടറി പി.ജി തൃഗുണസെൻ അദ്ധ്യക്ഷത വഹിച്ചു. യൂണിയൻ പ്രസിഡന്റ് വി.ബി ബിനു, പി.ആർ ശശി, സി.പി.ഐ ലോക്കൽ സെക്രട്ടറി എം.ജി ഫിലേന്ദ്രൻ, കെ.പി സുദർശനൻ, ഡി.ബോബൻ, വി.കെ സലിംകുമാർ, വത്സലകുമാർ, കെ.ജി മനോജ്, സുജാത ശിവൻ എന്നിവർ പ്രസംഗിച്ചു.