മുണ്ടക്കയം: ശ്രീനാരായണഗുരുദേവന്റെ ഹൈറേഞ്ച് സന്ദർശനം, കുമാരനാശാൻ രചിച്ച 'ദീപാർപ്പണം' പ്രാർത്ഥനാഗീതം എന്നിവയുടെ ശതാബ്ദിയോടനുബന്ധിച്ച് എസ്.എൻ.ഡി.പി യോഗം ഹൈറേഞ്ച് യൂണിയൻ സംഘടിപ്പിച്ച 'ഗുരുസ്മൃതിപഥം' യോഗം കൗൺസിലർ എ.ജി. തങ്കപ്പൻ ഉദ്ഘാടനം ചെയ്തു. മുണ്ടക്കയം ശ്രീനാരായണനഗറിൽ സംഘടിപ്പിച്ച ചടങ്ങിൽ യൂണിയൻ പ്രസിഡന്റ് ബാബു ഇടയാടിക്കുഴി അദ്ധ്യക്ഷത വഹിച്ചു. യൂണിയൻ വൈസ് പ്രസിഡന്റ് ലാലിറ്റ് എസ്. തകടിയേൽ ഗുരുസ്മൃതിപഥം സന്ദേശവും, കോട്ടയം യൂണിയൻ വൈസ് പ്രസിഡന്റ് വി.എം.ശശി കുമാരനാശാൻ അനുസ്മരണ പ്രഭാഷണവും, പി.എസ്. സോമനാഥൻ ഗുരുദേവന്റെ ഹൈറേഞ്ച് യാത്ര അനുസ്മരണ പ്രഭാഷണവും നടത്തി. യോഗം അസി. സെക്രട്ടറി പി.എസ്. വിജയൻ ദീപാർപ്പണം മത്സരവിജയികൾക്കുള്ള സമ്മാനദാനം നിർവഹിച്ചു. യോഗം ബോർഡ് മെമ്പർമാരായ ഡോ.പി.അനിയൻ, ഷാജി ഷാസ്, യൂണിയൻ കൗൺസിലർമാരായ സി.എൻ. മോഹനൻ, എ.കെ. രാജപ്പൻ, എം.എ.ഷിനു, പി.എ. വിശ്വംഭരൻ, കെ.എസ്. രാജേഷ്, ബിബിൻ കെ. മോഹൻ, വനിതാസംഘം യൂണിയൻ പ്രസിഡന്റ് അരുണാ ബാബു, സെക്രട്ടറി സിന്ധു മുരളീധരൻ, യൂത്തുമൂവ്‌മെന്റ് യൂണിയൻ ചെയർമാൻ എം.വി. ശ്രീകാന്ത്, കൺവീനർ കെ.ടി.വിനോദ്, ശ്രീനാരായണ എംപ്ലോയീസ് വെൽഫെയർ ഫോറം യൂണിയൻ പ്രസിഡന്റ് കെ.എൻ. രാജേന്ദ്രൻ, സെക്രട്ടറി എം.എം. മജേഷ്, ശ്രീനാരായണ വൈദീകസമിതി കൺവീനർ പ്രസാദ് ശാന്തി, സൈബർസേന ചെയർമാൻ എം.വി. വിഷ്ണു, ധർമസേന ചെയർമാൻ ബിനു വിഴിക്കിത്തോട്, ബാലജനയോഗം സെക്രട്ടറി അതുല്യ സുരേന്ദ്രൻ, കുമാരിസംഘം ചെയർമാൻ അതുല്യ ശിവദാസ് എന്നിവർ പ്രസംഗിച്ചു. യൂണിയൻ സെക്രട്ടറി അഡ്വ. പി.ജീരാജ് സ്വാഗതവും ശ്രീനാരായണ എംപ്ലോയീസ് വെൽഫെയർ ഫോറം സംസ്ഥാന വൈസ് പ്രസിഡന്റ് അനിത ഷാജി നന്ദിയും പറഞ്ഞു. ദീപാർപ്പണം ആലാപന മത്സരം സീനിയർ വിഭാഗത്തിൽ പറത്താനം ശാഖ ജേതാക്കളായി.