പരിയാരം: എസ്.എൻ.ഡി.പി യോഗം പരിയാരം ക്ഷേത്രത്തിലെ പ്രതിഷ്ഠാവാർഷിക മഹോത്സവം 18 മുതൽ 20 വരെ വിവിധ പരിപാടികളോടെ നടക്കും. 18ന് രാവിലെ 9ന് അഭിജിത്ത് ശാന്തിയുടെ കാർമികത്വത്തിൽ ഉത്സവം കൊടിയേറും. വൈകിട്ട് 7ന് നടക്കുന്ന കുടുംബസംഗമം ചങ്ങനാശേരി യൂണിയൻ സെക്രട്ടറി സുരേഷ് പരമേശ്വരൻ ഉദ്ഘാടനം ചെയ്യും. ശാഖ വൈസ് പ്രസിഡന്റ് എൻ.വി. രാജപ്പൻ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി.എം. ചന്ദ്രൻ കുടുംബയോഗസന്ദേശം നൽകും. രാത്രി 9ന് കഥാപ്രസംഗം. 19ന് രാവിലെ 6ന് ഗണപതിഹോമം, ഉച്ചക്ക് 12.30ന് മഹാഗുരുപൂജ, 1ന് മഹാപ്രസാദമൂട്ട്, വൈകിട്ട് 5.30ന് താലപ്പൊലിഘോഷയാത്ര, 19ന് വൈകിട്ട് 7.30ന് പ്രതിഷ്ഠാവാർഷിക സമ്മേളനം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. ശാഖ പ്രസിഡന്റ് കെ.കെ. സുരേഷ് കുമാർ അദ്ധ്യക്ഷത വഹിക്കും. മഹാത്മാഗാന്ധ സർവകലാശാല രജിസ്ട്രാർ ഡോ. സാബുക്കുട്ടൻ വിദ്യാഭ്യാസ കാഷ് അവാർഡ് വിതരണം ചെയ്യും. 20ന് രാവിലെ 7ന് ഗണപതിഹോമം, വൈകിട്ട് 7.45 ന് ഭജന, 8 ന് കുട്ടികളുടെ നൃത്തപരിപാടികൾ, രാത്രി 10ന് ഗാനമേള. 12.30ന് കൊടിയിറക്ക് എന്നിവയാണ് പ്രധാനപരിപാടികൾ.