പാലാ : തലനാട് ശ്രീ ജ്ഞാനേശ്വര മഹാദേവക്ഷേത്രത്തിൽ തിരുവാതിര മഹോത്സവത്തിന് ജനുവരി 2 ന് കൊടയേറുമെന്ന് ഉത്സവക്കമ്മിറ്റി ഭാരവാഹികളായ കെ.ആർ.ഷാജി, എ.ആർ.ലെനിൻമോൻ, പി.ആർ. കുമാരൻ, കെ.പി.രവീന്ദ്രൻ, കെ.പി.തങ്കച്ചൻ, എ.കെ.വിനോദ് എന്നിവർ അറിയിച്ചു. 2 ന് വൈകിട്ട് 6.11 നും 7.05നും മദ്ധ്യേ പറവൂർ രാകേഷ് തന്ത്രി, പെരുമ്പളം സി.എസ്.നാരായണൻ തന്ത്രി, മേൽശാന്തി രഞ്ചൻ ശാന്തി എന്നിവർ ചേർന്ന് കൊടയേറ്റും. തുടർന്ന് ശ്രീഭൂതബലി, പറയെടുപ്പ്,അന്നദാനം. 8 മുതൽ ആദി ലക്ഷ്മി സി.രാജിന്റെ ഭരതനാട്യം, 8.30 മുതൽ ജോബി പാലായും സംഘവും അവതരിപ്പിക്കുന്ന കോമഡി ഷോ.
3 ന് പുലർച്ചെ 5.30ന് മഹാഗണപതി ഹോമം .വൈകിട്ട് 5.30ന് കാഴ്ച ശ്രീബലി. 6.45 ന് ഭഗവത് സേവ. 8.30 ന് ഭക്തിഗാന ഭജനാമൃതം. 4 ന് പുലർച്ചെ 5.30 ന് മഹാഗണപതി ഹോമം. വൈകിട്ട് 5.30 ന് കാഴ്ചശ്രീബലി, 8 ന് അന്നദാനം, 8.15 ന് ശ്രീനാരായണ ഗുരുദേവനെ നേരിൽ കാണാൻ ഭാഗ്യം ലഭിച്ച ഗോപാലൻ കണ്ണംകുളത്ത് (കല്ലുവെട്ടത്ത് ), കല്യാണി ശങ്കരൻ കല്ലുവെട്ടത്ത് എന്നിവരെ തലനാട് ദേവസ്വത്തിന്റെ നേതൃത്വത്തിൽ പൊന്നാട അണിയിച്ചാദരിക്കും. 8.30 മുതൽ മജീഷ്യൻ കണ്ണൻമോൻ അവതരിപ്പിക്കുന്ന സൂപ്പർ മിറക്കിൾ മാജിക് ഷോ.
5 ന് പുലർച്ചെ 5.30ന് മഹാഗണപതി ഹോമം, വൈകിട്ട് 5.30 ന് കാഴ്ച ശ്രീബലി, 6.45 ന് ദീപാരാധന, ഭഗവതിസേവ, 8 ന് അന്നദാനം, 8.30 ന് ജയരാജ് വാര്യർ അവതരിപ്പിക്കുന്ന കാരക്കേച്ചർ ഷോ. 6ന് രാവിലെ 5.30 ന് മഹാഗണപതി ഹോമം, വൈകിട്ട് 5.30 ന് കാഴ്ച ശ്രീബലി, രാത്രി 8 ന് ശ്രീഭൂതബലി, അന്നദാനം, 8.30 ന് നാടകം നമ്മളിൽ ഒരാൾ. 7 ന് രാവിലെ 5.30 ന് മഹാഗണപതി ഹോമം, 11ന് ഉച്ചപൂജ, 6.45 ന് ദീപാരാധന, ഭജന, 8.30 ന് ഗിന്നസ് അഭീഷ് പി. ഡൊമിനിക്കിന്റെ അത്ഭുത അഭ്യാസപ്രകടനം. 8 ന് വൈകിട്ട് 4 മുതൽ പകൽപ്പൂരം. കല്ലിടാം കാവ് ഭഗവതീ ക്ഷേത്രാങ്കണത്തിൽ നിന്ന് പുറപ്പെടു്. 8.30 ന് വെടിക്കെട്ട്. തുടർന്ന് കാവടി ഹിഡുംബൻ പൂജ, രാത്രി 10 ന് പള്ളിവേട്ട, പള്ളിനിദ്ര.

9 നാണ് ആറാട്ടുത്സവം രാവിലെ മഹാഗണപതി ഹോമം, കലശാഭിഷേകങ്ങൾ. വലിയ കാണിക്ക, 9.30 ന് ഗുരുപുരം ജംഗ്ഷനിൽ നിന്ന് കാവടി ഘോഷയാത്ര, 1 ന് കാവടി അഭിഷേകം. തുടർന്ന് അന്നദാനം. വൈകിട്ട് 5 ന് ആറാട്ടെഴുന്നള്ളത്ത്, 7 ന് ആറാട്ട്, തുടർന്ന് ആറാട്ടെതിരേൽപ്പ്. വനിതകളുടെ മെഗാ തിരുവാതിര, സേവ, കൊടിമരച്ചുവട്ടിൽ പറവയ്പ്പ്, കൊടിയിറക്കൽ, കലശാഭിഷേകം, മംഗളപൂജ, രാത്രി 11 ന് വടക്കുപുറത്ത് വലിയ ഗുരുതി.