വൈക്കം: തെക്കേനട കാളിയമ്മനട ഭദ്രകാളി ക്ഷേത്രത്തിലെ സപ്താഹയജ്ഞത്തോടനുബന്ധിച്ച് നടത്തിയ രുഗ്മിണീസ്വയംവര ഘോഷയാത്ര ഭക്തിനിർഭരമായി. കണ്ണൻകുളങ്ങര ശാസ്താക്ഷേത്രത്തിൽ നിന്നും പുറപ്പെട്ട ഘോഷയാത്രയ്ക്ക് പ്രസിഡന്റ് കെ. പുരുഷോത്തമൻ, സെക്രട്ടറി വി. കെ.നടരാജൻ ആചാരി, ട്രഷറർ കെ. ബാബു, മാനേജർ പി. രാജു, വെളിച്ചപ്പാട് എം. ജയൻ, എസ്. ധനഞ്ജയൻ, അമ്മിണി ശശി, സുന്ദരൻ ആചാരി എന്നിവർ നേതൃത്വം നൽകി. യജ്ഞവേദിയിൽ നടന്ന സ്വയംവര ചടങ്ങുകൾക്ക് യജ്ഞാചാര്യ രാജേശ്വരി രാധാകൃഷ്ണൻ ആമ്പല്ലൂർ, ജയലക്ഷ്മി വിജയകുമാർ, പൊന്നമ്മ ചാണിയിൽ എന്നിവർ കാർമ്മികരായി. 29 ന് രാവിലെ 7 ന് മൂകാംബിക കുളത്തിൽ നടക്കുന്ന അവഭൃഥസ്‌നാനത്തോടെ സപ്താഹം സമാപിക്കും. ഉച്ചയ്ക്ക് 1 ന് മഹാപ്രസാദഊട്ടും നടക്കും.