കോട്ടയം: കുറിച്ചി ശ്രീനാരായണ ധർമ്മ സംഘം ട്രസ്റ്റിന്റെയും അദ്വൈതവിദ്യാശ്രമത്തിന്റെയും നേതൃത്വത്തിലുള്ള ഇരുചക്രവാഹന ശിവഗിരി തീർത്ഥാടനം ഇന്ന് രാവിലെ ഒൻപതിന് എസ്.എൻ.‌ഡി.പി യോഗം കോട്ടയം യൂണിയൻ പ്രസിഡന്റ് എം.മധു ഉദ്ഘാടനം ചെയ്യും. സംഘാടകസമിതി ചെയർമാൻ രാജശ്രീ പ്രണവം അദ്ധ്യക്ഷത വഹിക്കും. കുറിച്ചി അദ്വൈത വിദ്യാശ്രമം സെക്രട്ടറി സ്വാമി ധർമ്മചൈതന്യ അനുഗ്രഹ പ്രഭാഷണം നടത്തും. എസ്.എൻ.‌ഡി.പി യോഗം ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് പീതപതാക കൈമാറി ആശംസകൾ പറയും. യൂണിയൻ സെക്രട്ടറി സുരേഷ് പരമേശ്വരൻ തീർത്ഥാടന സന്ദേശം നൽകും. രാവിലെ എട്ടിന് ഗിരീഷ് ശാന്തി വാഹന പൂജ നടത്തും. കുഴിമറ്റം ശാഖാ പ്രസിഡന്റ് എൻ.ഡി ശ്രീകുമാർ, ചെറുകര ശാഖാ പ്രസിഡന്റ് ശിവദാസ് ആതിര, ഗുരുധർമ്മ പ്രചാരണ സഭ സെക്രട്ടറി ഷിബു മൂലേടം, ശ്രീനാരായണ സർഗവേദി പ്രസിഡന്റ് പി.എസ് ശിവദാസ്, വൈസ് പ്രസിഡന്റ് പ്രമോദ് തടത്തിൽ, യൂത്ത്‌മൂവ്‌മെന്റ് യൂണിയൻ സെക്രട്ടറി അനിൽ കണ്ണാടി, ജോ.സെക്രട്ടറി ഷെൻസ് സഹദേവൻ, ജില്ലാ കമ്മിറ്റി അംഗം പ്രശാന്ത് മനന്താനം എന്നിവർ പ്രസംഗിക്കും.