കോട്ടയം : ശിവഗിരി തീർത്ഥാടനകാലം വിദ്യാലയങ്ങൾക്ക് പ്രവൃത്തിദിനങ്ങളാക്കിയ സംസ്ഥാന സർക്കാർ നടപടിയിൽ എസ്.എൻ.ഡി.പി യോഗം കടുത്തുരുത്തി യൂണിയൻ ശക്തമായി പ്രതിഷേധിച്ചു.ലോകം മുഴുവനും ഗുരുദർശനം ഹൃദയത്തിൽ ഏറ്റെടുക്കുന്ന ഈ കാലത്തും, സർക്കാർ ശിവഗിരി തീർത്ഥാടനത്തിനു അതിന്റെതായ പ്രാധാന്യവും പ്രാമുഖ്യവും നൽകുന്നില്ല എന്നുള്ളത് വിവേചനപരവും പ്രതിഷേധാർഹവുമാണ്. തീർത്ഥാടനകാലത്തു തന്നെ ക്രിസ്മസ് അവധിക്കു ശേഷം സ്കൂളുകൾ തുറക്കുന്നതിനുള്ള തീരുമാനം അതിനുദാഹരണമാണ്. ഈ വൈകിയ വേളയിൽ എങ്കിലും തീർത്ഥാടനദിവസങ്ങൾക്കു ശേഷം ക്ലാസുകൾ തുടങ്ങുന്നതിനുള്ള തീരുമാനം എടുക്കാൻ സർക്കാർ തയ്യാറാവണമെന്ന് യൂണിയൻ ആവശ്യപ്പെട്ടു. യൂണിയൻ പ്രസിഡന്റ് എ.ഡിി പ്രസാദ് ആരിശ്ശേരിൽ, സെക്രട്ടറി എൻ.കെ. രമണൻ, യോഗം കൗൺസിലർ സി.എം. ബാബു, യോഗം ഡയറക്ടർ ബോർഡ് അംഗം ടി.സി. ബൈജു, കൗൺസിൽ അംഗങ്ങൾ. യൂത്ത്മൂവ്മെന്റ് യൂണിയൻ ഭാരവാഹികളായ കിഷോർ കുമാർ, ധനേഷ് കെ.വി, രാജേഷ് കെ.ജി എന്നിവർ സംസാരിച്ചു.