പാലാ: പയപ്പാർ ശ്രീധർമ്മശാസ്താ ക്ഷേത്രത്തിലെ മകരവിളക്ക് മഹോത്സവം ജനുവരി 11 മുതൽ 16 വരെ ആഘോഷിക്കും. 11ന് പുലർച്ചെ 5.30ന് നെയ്യഭിഷേകം. 6ന് ഗണപതി ഹോമം. 11ന് കൊടിമരഘോഷയാത്ര. 1ന് പ്രസാദമൂട്ട്. വൈകിട്ട് 6.30ന് ദീപാരാധന, ഭജന . 7ന് പയപ്പാർ കലാക്ഷേത്ര പണികഴിപ്പിച്ച ഊട്ടുപുരയുടെ ഉദ്ഘാടനം. 7.30 ന് സംഗീത സദസ്. രാത്രി 8.30ന് തന്ത്രി പയ്യപ്പിള്ളി മാധവൻ നമ്പൂതിരി, മേൽശാന്തി ദേവരാജ് നമ്പൂതിരി, എന്നിവരുടെ മുഖ്യ കാർമ്മികത്വത്തിൽ കൊടിയേറ്റ്. 9ന് നൃത്ത സന്ധ്യ. 12ന് പുലർച്ചെ 5.30ന് നെയ്യഭിഷേകം. 6ന് ഗണപതിഹോമം. 1ന് പ്രസാദമൂട്ട്, വൈകിട്ട് 6.30ന് ഭജന. 7ന് ക്ലാസിക്കൽ ഡാൻസ്. തുടർന്ന് നാടോടിനൃത്തം. 13ന് രാവിലെ 10ന് നാരായണീയ സമർപ്പണം. 1ന് പ്രസാദമൂട്ട്. വൈകിട്ട് 6.45ന് കാളകെട്ട്, തലയാട്ടം കളി. 8.30ന് ഓട്ടൻതുളളൽ. 14ന് 1ന് പ്രസാദമൂട്ട്. രാത്രി 7ന് പുഷ്പാഭിഷേകം. 7.30 ന് തിരുവാതിര കളി. 8ന് കോമഡി ഷോ. 15ന് രാവിലെ 9 ന് ശ്രീഭൂതബലി. 1ന് മഹാപ്രസാദമൂട്ട്. വൈകിട്ട് 5ന് താലം പുറപ്പാട്, 7ന് താലം എതിരേൽപ്പ്. 8.30ന് ദീപാരാധന, ഭജന, തിരുവാതിര കളി. 10ന് പള്ളിവേട്ട എഴുന്നള്ളത്ത്,11ന് കളം എഴുത്തുപാട്ട്. 16ന് രാവിലെ 6ന് ഗണപതി ഹോമം, തുടർന്ന് ആറാട്ടുപുറപ്പാട്, ആറാട്ട്, ആറാട്ടെതിരേൽപ്പ്, ആറാട്ട് സദ്യ. വൈകിട്ട് 6.30ന് ദീപാരാധന, ഭജന. 7.30ന് ഗാനമേള, 10 ന് ഗുരുതി എന്നിവയാണ് പ്രധാന പരിപാടികൾ.