ഹെൽമറ്റ് ധരിക്കാത്തതിനാൽ പിഴ അടക്കേണ്ടിവന്ന യുവാവ് നടുറോഡിൽ നടത്തിയ പ്രകടനങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ബൈക്കിലെത്തിയ യുവാവിന് ഹെൽമറ്റ് ധരിക്കാത്തതിനാൽ പിഴ നൽകേണ്ടിവന്നു. എന്നാൽ പിഴ നൽകിയത് സഹിക്കാൻ പറ്റാതെ യുവാവ് തന്റെ വണ്ടി തലങ്ങും വിലങ്ങും ഇട്ട് തകർക്കുകയായിരുന്നു. പൊലീസിന്റെ മുന്നിൽ വച്ചാണ് യുവാവിന്റെ പ്രതിഷേധം. ഉത്തർപ്രദേശിലെ മിററ്റിലാണ് സംഭവം നടക്കുന്നത്.

സങ്കടം സഹിക്കവയ്യാതെ യുവാവ് പൊട്ടിക്കരയുന്നതും വീഡിയോയിൽ കാണുന്നുണ്ട്. യുവാവ് സമനില തെറ്റിയതുപോലെ പെരുമാറുകയായിരുവെന്നാണ് പൊലീസ് പറയുന്നത്. ബൈക്ക് റോഡിലേക്ക് മറിച്ചിട്ട യുവാവ് ബൈക്ക് തകർക്കുകയും ഒടുവിൽ ബൈക്കിന് പുറത്തിരുന്ന് കരയുകയുമായിരുന്നു. തുടർന്ന് ആളുകൾ സമാധാനിപ്പിക്കാൻ എത്തുന്നതും വീഡിയോയിൽ കാണുന്നുണ്ട്. വാഹനങ്ങളിലെ പിഴ ഇരട്ടിയിൽ അധികമാക്കിയതോടെ ട്രാഫിക് നിയമ ലംഘനങ്ങളിൽ പെട്ട് നിരവധി പേരാണ് ഇപ്പോൾ പിടിക്കപ്പെടുന്നത്. എന്തായാലും വീഡിയോ ഇപ്പോൾ സോഷ്യൽ മീഡിയയിൽ വൈറലാകുകയാണ്.

Agitated over traffic challan, a biker in UP's Meerut took out his anger on his motorcycle. He later sat on the fallen bike and started crying as traffic cops stood and watched the entire drama unfolding on a busy street in the city. @Uppolice pic.twitter.com/lZ8TfQYUWt

— Piyush Rai (@Benarasiyaa) November 25, 2019