പത്തനംതിട്ട: ഇന്ത്യയുടെ ഏറ്റവും നീളം കൂടിയ താടി ഒരു മലയാളിയുടേതാണെന്ന് അറിയാമോ? കൊടുമൺ സ്വദേശിയായ പ്രവീൺ പരമേശ്വറാണ് ഈ നേട്ടം കൈവരിച്ചിരിക്കുന്നത്. 38 ഇഞ്ച് നീളമുള്ള താടിയുമായി നാഷണൽ ബിയേർഡ് ചാമ്പ്യൻഷിപ്പിലാണ് ഈ പത്തനംതിട്ടക്കാരൻ പഞ്ചാബിന്റെയും രാജസ്ഥാനിന്റെയുമൊക്കെ ആധിപത്യം തകർത്ത് ഒന്നാമതെത്തിയത്.

ടെക്നോപാർക്കിൽ എഞ്ചിനിയറായിരുന്നു പ്രവീൺ. സിനിമാ മോഹം കാരണമാണ് ജോലി ഉപേക്ഷിച്ചത്. ഒരു സിനിമയ്ക്ക് വേണ്ടിയാണ് താടി വളർത്താൻ ആരംഭിച്ചതെങ്കിലും, പിന്നെ അതിനെ സ്നേഹിക്കാൻ തുടങ്ങി. സൺഡേ ഹോളിഡേ,​ ഷെർലക് ടോംസ് ഉൾപ്പെടെ പതിനഞ്ചോളം സിനിമകളിൽ അഭിനയിച്ചു. ടൊവിനോ ചിത്രം ലൂക്കയുടെ അസിസ്റ്റന്റ് ഡയറക്ടറായി പ്രവർത്തിച്ചു. സിനിമകളിൽ ആനിമേറ്ററായും ജോലി ചെയ്യുന്നു.

താടി സംരക്ഷിക്കുന്നത് എങ്ങനെയാണെന്ന് ചോദ്യത്തിന് പ്രവീൺ നൽകിയ മറുപടി ഇങ്ങനെ 'സ്ഥിരമായി താടി കഴുകാറുണ്ട്,​ ഷാംപുവും കണ്ടീഷണറും ഉപയോഗിക്കാറുണ്ട്. എണ്ണ ഉപയോഗിക്കുന്നത് വളരെ കുറവാണ്.'