കോഴിക്കോട്: പള്ളിവികാരി ലൈംഗികമായി പീഡിപ്പിച്ചെന്ന് 45കാരിയായ വീട്ടമ്മയുടെ പരാതി. കോഴിക്കോട് ചേവായൂർ പൊലീസിലാണ് വീട്ടമ്മ പരാതി നൽകിയത്. വാടകവീട്ടിൽ താമസിച്ചുവരികയായിരുന്ന ഇവർ വീട്ടിൽ ഒറ്റയ്ക്കുള്ളപ്പോൾ പള്ളി വികാരി എത്തി പീഡിപ്പിക്കുകയായിരുന്നെന്ന് വീട്ടമ്മ നൽകിയ പരാതിയിൽ പറയുന്നു. സംഭവത്തിൽ ചേവായൂർ പൊലീസ് കേസടുത്ത് അന്വേഷണം ആരംഭിച്ചു.

പള്ളി വികാരി തന്നെയും കുടുംബത്തെയും നശിപ്പിക്കുമെന്ന് ഭീഷണിപ്പെടുത്തിയതിനാലാണ് പരാതി നൽകാൻ വൈകിയതെന്ന് അവർ മൊഴി നൽകി. ജൂൺ 15നാണ് സംഭവം. ബലാത്സംഗം, സ്ത്രീത്വത്തെ അപമാനിക്കൽ, ഭീഷണിപ്പെടുത്തൽ എന്നീ കുറ്റങ്ങൾ ചുമത്തിയാണ് കേസെടുത്തത്. ബിഷപ്പിനോട് പരാതിപ്പെട്ടിട്ടും ഫലമില്ലാതായതോടെയാണ് പൊലീസിൽ പരാതി നൽകിയതെന്നും പരാതിക്കാരി മൊഴിയിൽ പറഞ്ഞു.