തിരുവനന്തപുരം: വെസ്റ്റിൻഡീസിനെതിരായ രണ്ടാം ട്വന്റി-20യിൽ ഇന്ത്യയുടെ നാല് വിക്കറ്റുകൾ നഷ്ടമായി.

ക്യാപ്ടൻ വിരാട് കോഹ്ലിയുടെ വിക്കറ്റാണ് അവസാനമായി നഷ്ടമായത്. 54 റൺസെടുത്ത ശിവം ദുബെ,​ 15 റൺസെടുത്ത രോഹിത് ശർമ്മ,​ 11 റൺസെടുത്ത കെ.എൽ.രാഹുൽ എന്നിവരുടെ വിക്കറ്റുകളാണ് ഇന്ത്യക്ക് നേരത്തെ നഷ്ടമായത്. അവസാന റിപ്പോർട്ട് ലഭിക്കുമ്പോൾ ഇന്ത്യ 13.3 ഓവറിൽ 4ന് 122 എന്ന നിലയിലാണ്.

നേരത്തെ ടോസ് നേടിയ വെസ്റ്റിൻഡീസ് ഇന്ത്യയെ ബാറ്റിംഗിന് അയയ്ക്കുകയായിരുന്നു. ഹൈദരാബാദ് നടന്ന ആദ്യ ട്വന്റി-20യിലെ ടീമിനെ ഇന്ത്യ നിലനിറുത്തി. സഞ്ജു വി.സാംസണ് ഇത്തവണയും ടീമിലിടം ലഭിച്ചില്ല. അതേസമയം ഒരു മാറ്റവുമായാണ് വിൻഡീസ് കളിക്കുന്നത്. രാംദിന് പകരം നിക്കോളാസ് പുറൻ ടീമിലെത്തി.

ആദ്യ ട്വന്റി-20യില്‍ വിജയിച്ച ഇന്ത്യ പരമ്പരയില്‍ 1-0ത്തിന് മുന്നിലാണ്.