തി​രു​വ​ന​ന്ത​പു​രം​ ​:​ ആദ്യം ടോസ് നഷ്ടപ്പെട്ടു, പിന്നെ കൈയിലിരുന്ന കളിയും. ഇന്നലെ നിറഞ്ഞ ഗാലറിയിൽ നിന്നുള്ള നിലയ്ക്കാത്ത ആരവങ്ങളുടെ പിന്തുണയിലും കാര്യവട്ടത്തെ ആദ്യ തോൽവി ഏറ്റുവാങ്ങി വിരാട് കൊഹ്‌ലിയുടെ ഇന്ത്യ.

​ആ​രാ​ധ​ക​ർ​ ​പ്ര​തീ​ക്ഷി​ച്ച​ ​സ​ഞ്ജു​ ​സാം​സ​ണും​ ​ബാ​റ്റ്‌​സ്‌​മാ​ൻ​മാ​ർ​ ​പ്ര​തീ​ക്ഷി​ച്ച​ ​ബൗ​ൺ​സും​ ​ഇ​ല്ലാ​തി​രു​ന്ന​ ​കാ​ര്യ​വ​ട്ട​ത്തെ​ ​പി​ച്ചി​ൽ​ ​ വി​ൻ​ഡീ​സി​നെ​തി​രാ​യ​ ​ര​ണ്ടാം​ ​ട്വ​ന്റി​ 20​യി​ൽ​ ​ ഇ​ന്ത്യ​ ​നി​ശ്ചി​ത​ 20​ ​ഒാ​വ​റി​ൽ​ ​ഏ​ഴ് ​വി​ക്ക​റ്റ് ​ന​ഷ്ട​ത്തി​ൽ​ ​നേ​ടി​യ​ത് 170​ ​റ​ൺ​സ്. വി​ൻഡീസ് 18.3 ഒാവറി​ൽ രണ്ട് വി​ക്കറ്റ് മാത്രം നഷ്ടപ്പെടുത്തി​ ലക്ഷ്യം കണ്ടു. ഇതോടെ മൂന്ന്മത്സര പരമ്പര 1-1 ന് സമനി​ലയി​ലായി​. ക്യാച്ചുകൾ കൈവിട്ട് സഹായിച്ച ഇന്ത്യൻ ഫീൽഡർമാർക്കൊപ്പം അർദ്ധസെഞ്ച്വറി നേടിയ ലെൻഡൽ സിമ്മോൺസും (67) 40 റൺസ് നേടി ഒാപ്പണിംഗിൽ 73 റൺസിന്റെ പങ്കാളിത്തം നൽകിയ ലെവിസും 38 റൺസുമായി പുറത്താകാതെ നിന്ന പുരാനും വിൻഡീസിന് വിജയം സമ്മാനിക്കുകയായിരുന്നു.

​ ​യു​വ​ ​ആ​ൾ​ ​റൗ​ണ്ട​ർ​ ​ശി​വം​ ​ദു​ബെ​യു​ടെ​ ​(30​ ​പ​ന്തി​ൽ​ 54​ ​റ​ൺ​സ്)​ ​അ​ർ​ദ്ധ​ ​സെ​ഞ്ച്വ​റി​യാ​ണ് ​ ​ഇ​ന്ത്യ​ൻ​ ​ഇ​ന്നിം​ഗ്സി​ൽ​ ​ആ​രാ​ധ​ക​രെ​ ​ര​സി​പ്പി​ച്ച​ത്.​ ​​ ​ഋ​ഷ​ഭ് ​പ​ന്ത് 22​ ​പ​ന്തു​ക​ളി​ൽ​ 33​ ​റ​ൺ​സു​മാ​യി​ ​പു​റ​ത്താ​കാ​തെ​ ​നി​ന്നു.​ ​രോ​ഹി​ത് ​ശ​ർ​മ്മ​ ​(15​),​ ​കെ.​എ​ൽ.​ ​രാ​ഹു​ൽ​ ​(11​),​ ​ക്യാ​പ്ട​ൻ​ ​വി​രാ​ട് ​കൊ​ഹ്‌​ലി​ ​(19​),​ ​ശ്രേ​യ​സ് ​അ​യ്യ​ർ​ ​(10​),​ ​ര​വീ​ന്ദ്ര​ ​ജ​ഡേ​ജ​ ​(9​),​ ​വാ​ഷിം​ഗ്ട​ൺ​ ​സു​ന്ദ​ർ​ ​(0​)​ ​എ​ന്നി​വ​ർ​ക്കൊ​ന്നും​ ​ആ​രാ​ധ​ക​ർ​ ​പ്ര​തീ​ക്ഷി​ച്ച​ ​ബാ​റ്റിം​ഗ് ​വി​രു​ന്ന് ​സ​മ്മാ​നി​ക്കാ​നാ​യി​ല്ല.​ സഞ്ജുവിന് ഫീൽഡിംഗിൽ പകരക്കാരനാകാൻ മാത്രമാണ് അവസരം ലഭിച്ചത്.