മലയാളത്തിന്റെ പ്രിയ താരങ്ങളായ പൃഥ്വിരാജും സുരാജ് വെഞ്ഞാറമൂട് ഒന്നിക്കുന്ന ഡ്രൈവിങ് ലൈസൻസിന്റെ ട്രെയിലർ പുറത്ത്. സിനിമയിലെ സൂപ്പർതാരവും ആരാധകനും തമ്മിലെ ബന്ധത്തിന്റെ കഥ പറയുന്ന ചിത്രം സംവിധാനം ചെയ്യുന്നത് ലാൽ ജൂനിയർ ആണ്. സച്ചിയുടെ തിരക്കഥയിലാണ് ചിത്രം ഒരുങ്ങുന്നത്. വെഹിക്കിൾ ഇൻസ്‌പെക്ടറുടെ റോളിൽ സുരാജ് വെഞ്ഞാറമ്മൂടും സൂപ്പർ സ്റ്റാറായി പൃഥ്വിരാജും എത്തുന്നു.
ചിത്രത്തിൽ മിയ, ദീപ്തി സതി എന്നിവരാണ് നായികമാർ. സന്തോഷ് വർമയുടെ വരികൾക്ക് യക്‌സണ്‍ ഗാരി പെറേറയും നേഹ നായരും ചേർന്നാണ് സംഗീതം പകർന്നിരിക്കുന്നത് . മാജിക് ഫ്രെയിംസുമായി ചേർന്ന് പൃഥ്വിരാജ് പ്രൊഡക്ഷന്‍സ് ആണ് ചിത്രത്തിന്റെ നിർമ്മാണം. ഡിസംബർ 20ന് ചിത്രം തീയേറ്ററുകളിലെത്തും.