കൊൽക്കത്ത: പൗ​ര​ത്വ ഭേ​ദ​ഗ​തി ബി​ല്ലി​നെ​തി​രെ പ​ശ്ചി​മ ബം​ഗാ​ളി​ൽ വ്യാ​പ​ക അ​ക്ര​മം തുടരുന്നു. പ്ര​ക്ഷോ​ഭ​കാ​രി​ക​ൾ ഇ​ന്നും ഒ​രു റെ​യിൽവേ സ്റ്റേഷൻ അ​ഗ്നി​ക്കി​ര​യാ​ക്കി. മു​ർ​ഷി​ദാ​ബാ​ദി​ൽ അ​ഞ്ച് ട്രെ​യി​നു​ക​ൾ ക​ത്തി​ച്ചു. സംഘർഷത്തെതുടർന്ന് ജ​ന​ങ്ങ​ളോ​ട് സം​യ​മ​നം പാ​ലി​ക്ക​ണ​മെ​ന്ന് മു​ഖ്യ​മ​ന്ത്രി മ​മ​ത ബാ​ന​ർ​ജി അഭ്യർത്ഥിച്ചു.

ജ​ന​ങ്ങ​ൾ നി​യ​മം കൈ​യി​ലെ​ടു​ക്ക​രു​ത്. പൊ​തു​മു​ത​ൽ ന​ശി​പ്പി​ക്ക​രു​തെ​ന്നും പ്ര​ശ്ന​ങ്ങൾ ഉ​ണ്ടാ​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും മ​മ​ത പ​റ​ഞ്ഞു. അ​തേ​സ​മ​യം പൗ​ര​ത്വ ബി​ല്ലി​നെ​യും മ​മ​ത എ​തി​ർ​ത്തു. പ്ര​ക്ഷോ​ഭ​കാ​രി​ക​ൾ പ​ല​യി​ട​ങ്ങ​ളി​ലും റോ​ഡ് ഉ​പ​രോ​ധി​ച്ചു. 15 ബ​സു​ക​ളും പൊലീ​സ് വാ​നു​ക​ളും ജീ​പ്പു​ക​ളും അ​ഗ്നി​ക്കി​ര​യാ​ക്കി. വെ​ള്ളി​യാ​ഴ്ച​യും പ്ര​തി​ഷേ​ധ​ക്കാ​ർ മു​ർഷി​ദാ​ബാ​ദി​ൽ റെ​യി​ൽവേ സ്റ്റേ​ഷ​ൻ ക​ത്തി​ച്ചി​രു​ന്നു. റെ​യി​ൽ​വേ പൊലീ​സ് ഉ​ദ്യോ​ഗ​സ്ഥ​രെ​യും പ്ര​ക്ഷോ​ഭ​കാ​രി​ക​ൾ മർ​ദ്ദി​ക്കു​ക​യും ചെ​യ്തി​രു​ന്നു.