ബെംഗളുരു : സ്കൂൾ ദിനത്തോട് അനുബന്ധിച്ച് നടത്തിയ നാടകത്തിൽ ബാബറി മസ്ജിദ് പൊളിക്കുന്നത് പുനരാവിഷ്തരിച്ച് വിദ്യാർത്ഥികൾ.. ദക്ഷിണ കർണാടകയ്ൽ ആർ.എസ്.എസ് നേതാവിന്റെ ഉടമസ്ഥതയിലുള്ള ശ്രീറാം വിദ്യാകേന്ദ്രസ്കൂളിലാണ് സംഭവം. ഇന്നലെ സ്കൂള്‍ ദിനത്തോട് അനുബന്ധിച്ച് നടത്തിയ നാടകത്തിനിടയിലാണ് വെള്ള, കാവി വസ്ത്രമണിഞ്ഞ വിദ്യാർത്ഥികൾ ചേർന്ന് സ്കൂൾ ഗ്രൗണ്ടിൽ സ്ഥാപിച്ച ബാബറി മസ്ജിദിന്റെ കൂറ്റൻ പോസ്റ്റർ പൊളിച്ചത്.
ബാബറി മസ്ജിദ് പൊളിച്ച ശേഷം ഗ്രൗണ്ടിൽ പ്രതീകാത്മക രാമ ക്ഷേത്രവും കുട്ടികൾ നിർമ്മിച്ചു.. താമര, നക്ഷത്രം , ഓം തുടങ്ങിയ രൂപങ്ങളും വിദ്യാർത്ഥികൾ നാടകത്തിന് ശേഷം നിർമ്മിച്ചിരുന്നു. കർണാടകയിലെ പ്രമുഖ ആർ.എസ്.എസ് നേതാവും ദക്ഷിണ മദ്ധ്യമേഖല എക്സിക്യുട്ടീവ് കമ്മിറ്റി മെമ്പറായ കല്ലടക പ്രഭാകര ഭട്ടിന്റെ ഉടമസ്ഥതയിലുള്ളതാണ് ശ്രീ റാം വിദ്യാകേന്ദ്ര ഹൈ സ്കൂൾ.
കേന്ദ്രമന്ത്രിയായ ഡി.വി. സദാനന്ദ ഗൗഡയും പുതുച്ചേരി ലെഫ്. ഗവർണർ കിരൺ ബേദിയും അടക്കം സന്നിഹിതരായിരുന്ന വേദിയിലാണ് നാടകം അവതരിപ്പിച്ചത്. കർണാടക മന്ത്രിമാരായ എച്ച്. നാഗേഷ്, ശശികല ജോലെ തുടങ്ങിയവരും സ്കൂൾ ദിനാഘോഷച്ചടങ്ങിൽ പങ്കെടുത്തിരുന്നു.. ബാബാറി മസ്ജിദിനെ സംബന്ധിച്ച സുപ്രീം കോടതി നിരീക്ഷണങ്ങളോട് യോജിപ്പില്ലെന്നായിരുന്നു കല്ലടക പ്രഭാകര ഭട്ട് പ്രതികരിച്ചു. ബാബറി മസ്ജിദ് പൊളിച്ചത് തെറ്റായെന്ന് സുപ്രീം വിധിയിൽ പറഞ്ഞിട്ടുണ്ട്. എന്നാൽവിധിയിലെ എല്ലാ കാര്യങ്ങളും അംഗീകരിക്കാൻ സാധിക്കില്ലെന്നും പ്രഭാകര ഭട്ട് വ്യക്തമാക്കി.
Karnataka school run by RSS man makes kids ‘demolish’ Babri Masjid in a play
— Sanyukta (@dramadhikari) December 16, 2019
The Chief Guests for the event were Union Minister of Chemicals and Fertilizers, DV Sadananda Gowda; Puducherry Governor Kiran Bedi; and several Ministers from Karnataka. pic.twitter.com/hVdqxvfdvI
ചരിത്രപരമായ ഒരു സംഭവത്തെ ഇത്തരം നാടകത്തിലൂടെ പ്രദർശിപ്പിക്കുന്നതിൽ തെറ്റില്ലെന്നും പ്രഭാകര ഭട്ട് കൂട്ടിച്ചേർത്തു. അത് മോസ്ക് ഒന്നും ആയിരുന്നില്ല വെറുമൊരു കെട്ടിടം മാത്രമായിരുന്നു. ഞങ്ങൾ ജാലിയൻ വാലാ ബാഗ് സംഭവവും നാടകമാക്കിയിട്ടുണ്ട്. നിങ്ങള്‍ എന്താണ് അത് വാര്‍ത്തയാക്കാത്തതെന്നുമായിരുന്നു പ്രഭാകര ഭട്ടിന്റെ പ്രതികരണം. നാടകം അവതരിപ്പിച്ച സമയത്ത് താൻ അവിടെ ഉണ്ടായിരുന്നില്ലെന്ന് കേന്ദ്രമന്ത്രി സദാനന്ദ ഗൗ‍ഡ പറഞ്ഞു സാങ്കൽപിക രാമക്ഷേത്രം നിർമ്മിച്ച വിദ്യാർത്ഥികളെ അഭിവാദ്യം ചെയ്യുന്ന ചിത്രവും വീഡിയോയും കിരൺ ബേദി നേരത്തെ പങ്കുവച്ചിരുന്നു.
Another formation d school children made was of the proposed Shri Ram Mandir at #Ayodhya. All such performances enabled d school ensure all of its 3800+ school children participate in d annual festival of Sri Rama Vidya Kendra, Kalladka Village, near Mangalore @PTI_News @ANI pic.twitter.com/IdaoySuBY4
— Kiran Bedi (@thekiranbedi) December 16, 2019