തമിഴ് താരം മാധവനും അനുഷ്ക ഷെട്ടിയും ഒന്നിക്കുന്ന നിശബ്ദം എന്ന ചിത്രത്തിലെ ഗാനത്തിന്റെ ടീസർ പുറത്ത്. ബി.കെ.ഹരിനാരായണനാണ് നീയെ നീയെ...’ എന്നു തുടങ്ങുന്ന ഗാനത്തിനു വരികളൊരുക്കിയത്. ഗോപി സുന്ദർ ഈണം പകർന്ന ഗാനം മധു ബാലകൃഷ്ണനാണ് ആലപിച്ചിരിക്കുന്നത്. മാധവൻ കാഴ്ച വൈകല്യമുള്ള ഗായകനായും അനുഷ്ക സംസാരശേഷിയില്ലാത്ത ചിത്രകാരിയായുമാണ് ചിത്രത്തിൽ എത്തുന്നത്.

ഹേമന്ദ് മധുക്കർ സംവിധാനം ചെയ്യുന്ന ചിത്രം തെലുങ്ക്, തമിഴ്, മലയാളം, ഹിന്ദി എന്നീ ഭാഷകളിൽ റിലീസിനെത്തും. ശാലിനി പാണ്ഡെ, അഞ്ജലി, കിൽബിൽ ഫെയിം മൈക്കൽ മാഡ്സെൻ എന്നിവരാണ് മറ്റുതാരങ്ങൾ. ചിത്രത്തിന്റെ ടീസറും ട്രെയിലറും ഏറെ ആരാധക ശ്രദ്ധ നേടിയിരുന്നു. കോന ഫിലിം കോർപ്പറേഷനും പീപ്പിൾ മീഡിയ ഫാക്ടറിയും ചേർന്നാണ് ചിത്രം നിര്‍മിക്കുന്നത്. ഗോപി മോഹൻ, കൊന വെങ്കട് എന്നിവരുടേതാണ് തിരക്കഥ.