മുംബയ്: ചെറുകിട ഡിജിറ്റൽ പേമെന്റുകൾ പ്രോത്സാഹിപ്പിക്കാനായി റിസർവ് ബാങ്ക് പുതിയ പ്രീപെയ്‌ഡ് പേമെന്റ് ഇൻസ്‌ട്രുമെന്റ് (പി.പി.ഐ)​ അവതരിപ്പിച്ചു. പ്രതിമാസം 10,​000 രൂപവരെ ഇതുവഴി ചെലവഴിക്കാം. ഉത്പന്നങ്ങളും സേവനങ്ങളും സ്വന്തമാക്കാൻ ഇതു പ്രയോജനപ്പെടുത്താം.

ലളിതമായ വിശദാംശങ്ങൾ മാത്രം നൽകി ബാങ്കുകൾ,​ തിരഞ്ഞെടുക്കപ്പെട്ട മറ്റ് ധനകാര്യ സ്ഥാപനങ്ങൾ എന്നിവ വഴി പി.പി.ഐ കാർഡ് ഉപഭോക്താക്കൾക്ക് സ്വന്തമാക്കാം. പി.പി.ഐയിൽ പ്രതിമാസം 10,​000 രൂപവരെയെ നിറയ്ക്കാനാകൂ. ഒരു സാമ്പത്തിക വർഷം ഇത്തരത്തിൽ പരമാവധി 1.20 ലക്ഷം രൂപയും നിറയ്ക്കാം. ഉപഭോക്താവിന് പി.പി.ഐ സംവിധാനം എപ്പോൾ വേണമെങ്കിലും വേണ്ടെന്നുവയ്‌ക്കാനും വ്യവസ്ഥയുണ്ട്. ആ വേളയിൽ,​ പി.പി.ഐയിൽ ബാക്കിയുള്ള പണം ബാങ്ക് അക്കൗണ്ടിലേക്ക് മാറ്റാം.