വരുന്ന ജനുവരി ഒന്ന് മുതൽ എ.ടി.എമ്മുകളിൽ നിന്നും പണംപിൻവലിക്കുന്നതിന് പുതിയ രീതി എസ്.ബി.ഐ നടപ്പാക്കും. ഒ.ടി.പി അടിസ്ഥാനമാക്കി പണം പിൻവലിക്കാനുള്ള സൗകര്യമാണിത്. അനധികൃത ഇടപാടുകൾ തടയുന്നതിനും, ഉപഭോക്താക്കളുടെ സുരക്ഷ വർധിപ്പിക്കുന്നതിനുമാണ് പുതിയ രീതി നടപ്പാക്കുന്നത്. വൈകിട്ട് എട്ടു മണി മുതൽ രാവിലെ എട്ടു വരെയാണ് ഈ സംവിധാനം. ട്വിറ്ററിലൂടെയാണ് എസ്.ബി.ഐ തന്നെയാണ് ഇക്കാര്യം വ്യക്തമാക്കിയത്

എന്നാൽ നിലവിൽ പണം പിൻവലിക്കുന്ന നടപടിക്രമങ്ങളിൽ നിന്നും കാര്യാമായ വ്യതാസമില്ല. കസ്റ്റമർ എ.ടി.എമ്മിൽ കാർഡ് ഇടുക. പിൻവലിക്കാനുള്ള പണം എത്രയാണെന്ന് മെഷീനിൽ രേഖപ്പെടുത്തുക. അപ്പോൾ ബാങ്കിൽ രജിസ്റ്റർ ചെയ്തിരിക്കുന്ന മൊബൈൽ നമ്പറിലേക്ക് ഒ.ടി.പി, എസ് .എം.എസ് ആയി ലഭിക്കും. സ്‌ക്രീനിൽ ഒ.ടി.പി ആവശ്യപ്പെടുന്ന സ്ഥലത്ത് രേഖപ്പെടുത്തി കഴിഞ്ഞാൽ പണം ലഭിക്കും.

10000 രൂപയിൽ കൂടുതൽ പിൻവലിക്കുന്നതിനാണ് പുതിയ രീതി. രാജ്യത്തെ എല്ലാ എസ്.ബി.ഐ എ.ടി.എമുകളിലും ഈ സംവിധാനം ലഭ്യമാവും. മറ്റു ബാങ്കുകളുടെ എ.ടി.എമ്മുകളിൽ നിന്നും പണം പിൻവലിക്കുമ്പോൾ ഈ രീതി ഉണ്ടാവില്ല.

Introducing the OTP-based cash withdrawal system to help protect you from unauthorized transactions at ATMs. This new safeguard system will be applicable from 1st Jan, 2020 across all SBI ATMs. To know more: https://t.co/nIyw5dsYZq#SBI #ATM #Transactions #SafeWithdrawals #Cash pic.twitter.com/YHoDrl0DTe

— State Bank of India (@TheOfficialSBI) December 26, 2019