ആലപ്പുഴ: പത്ത് മാസം പ്രായമുള്ള കുഞ്ഞിനെ കൊലപ്പെടുത്തിയ കേസിൽ അമ്മയ്ക്ക് ജീവപര്യന്തം. കറ്റാനം ഭരണിക്കാവ് സ്വദേശിനി ദീപ(35)യെയാണ് ജീവപര്യന്തം ശിക്ഷിച്ചത്. ആലപ്പുഴ ജില്ലാ അഡീഷണൽ സെഷൻസ് കോടതിയാണ് ശിക്ഷ വിധിച്ചത്.

2011ജനുവരി ഒന്നിനാണ് കേസിനാസ്‌പദമായ സംഭവം. വിഷം നൽകിയാണ് ദീപ കുഞ്ഞിനെ കൊലപ്പെടുത്തിയത്. ഭർത്താവിനോട് വഴക്കിട്ട് സ്വന്തം വീട്ടിൽ പോയ ദീപ, കുഞ്ഞിന് വിഷം നൽകി കൊലപ്പെടുത്തുകയായിരുന്നു. തുടർന്ന് ആത്മഹത്യ ശ്രമം നടത്തിയെങ്കിലും പരാജയപ്പെട്ടു.