ന്യൂയോർക്ക്: പൗരത്വ ഭേദഗതി നിയമം ഇന്ത്യയിലെ മുസ്ലിങ്ങളുടെ ന്യൂനപക്ഷ പദവിയെ ബാധിക്കുമെന്ന് യു.എസ് റിപ്പോർട്ട്. പൗരത്വ നിയമത്തെ കൂടാതെ എ​ൻ.​ആ​ർ.​സിയും 20 കോടി വരുന്ന ഇന്ത്യൻ മുസ്ലിങ്ങളെ ബാധിക്കുമെന്നും റിപ്പോർട്ടിൽ പറയുന്നു. ഡി​സം​ബ​ർ 18ന്​ ​പു​റ​ത്തു​വി​ട്ട യു.​എ​സ്​ കോ​ൺ​ഗ്ര​സി​നു കീ​ഴി​ലെ സ​മി​തി (സി.​ആ​ർ.​എ​സ്)​യു​ടെ റി​പ്പോ​ർ​ട്ടിലാണ് ഇക്കാര്യം വ്യക്തമാക്കുന്നത്.

പ​ല ഭേ​ദ​ഗ​തി​ക​ളും ഈ ​നി​യ​മ​ത്തി​ൽ വ​രു​ത്തി​യി​ട്ടും ഒ​ന്നു​പോ​ലും മ​ത​ത്തിന്റെ അ​ടി​സ്​​ഥാ​ന​ത്തി​ലാ​യി​രു​ന്നില്ല. പാ​കി​സ്ഥാ​ൻ, ബം​ഗ്ലാ​ദേ​ശ്, അ​ഫ്​​ഗാ​നി​സ്​​താ​ൻ എ​ന്നീ രാ​ജ്യ​ങ്ങ​ളി​ൽ മു​സ്​​ലിങ്ങ​ൾ പീ​ഡ​നം സ​ഹി​ക്കു​ന്നി​ല്ലെ​ന്നു പ​റ​ഞ്ഞാ​ണ്​ ഭേ​ദ​ഗ​തി ന​ട​പ്പാ​ക്കി​യ​ത്. അതേസമയം ശ്രീ​ല​ങ്ക, മ്യാർമർ പോ​ലു​ള്ള രാ​ജ്യ​ങ്ങ​ളി​ൽ പീഡനമ​നു​ഭ​വി​ക്കു​ന്ന ഹി​ന്ദു​ക്ക​ൾ​ക്ക്​ പൗ​ര​ത്വം നൽകുന്നില്ലെന്നും റിപ്പോർട്ടിൽ ചോദിക്കുന്നു.

യു.​എ​ൻ, യു.​എ​സ്​ അ​ന്താ​രാ​ഷ്​​ട്ര മ​ത​സ്വാ​ത​ന്ത്ര്യ ക​മീ​ഷ​ൻ, നി​ര​വ​ധി മ​നു​ഷ്യാ​വ​കാ​ശ സം​ഘ​ട​ന​ക​ൾ എ​ന്നി​വ ഈ നിയമത്തിൽ ആ​ശ​ങ്ക അ​റി​യി​ച്ച​താ​ണ്. അതേസമയം സു​പ്രീം​കോ​ട​തി മാ​ന​ദ​ണ്ഡ​ങ്ങ​ൾ പാ​ലി​ച്ച്​ ത​യാ​റാ​ക്കു​ന്ന​തി​നാ​ൽ ആ​രെ​യും പു​റ​ത്താ​ക്കു​ന്ന​ത​ല്ലെന്നാണ് സർക്കാർ അവകാശവാദം ഉന്നയിക്കുന്നതെന്നും സി.​ആ​ർ.​എ​സ്​ റിപ്പോർട്ടിൽ കുറ്റപ്പെടുത്തുന്നു. ദേ​ശീ​യവും അ​ന്ത​ർദേശീയവുമായ വി​ഷ​യ​ങ്ങ​ൾ പ​ഠി​ച്ച്​ റി​പ്പോ​ർ​ട്ട്​ ത​യാ​റാ​ക്കു​ന്ന യു.​എ​സ്​ കോ​ൺ​ഗ്ര​സി​നു കീഴി​ലെ സ​മി​തി​യായ സി.​ആ​ർ.​എ​സ് ആണ് റിപ്പോർട്ട് തയ്യാറാക്കിയത്.