മസ്കറ്റ്: ഗൾഫ് മലയാളികൾക്ക് ഇതാ സന്തോഷ വാർത്ത. ഡോളറുമായുള്ള വിനിമയ നിരക്കിൽ രൂപയുടെ മൂല്യം ഇടിഞ്ഞത് നാട്ടിലേക്ക് പണമയക്കുന്ന പ്രവാസികളെ സംബന്ധിച്ച് വലിയൊരു ലോട്ടറിയാണ്. ഇപ്പോൾ,​ വിനിമയ നിരക്കിന്‍റെ ആനുകൂല്യം പ്രയോജനപ്പെടുത്തി നാട്ടിലേക്ക് പണമയക്കുന്ന കാത്തിരിപ്പിലാണ് പ്രവാസികൾ. വിനിമയ നിരക്ക് ഗള്‍ഫ് കറന്‍സികളുടെ മൂല്യത്തിലും ചലനമുണ്ടാക്കിയതാണ് പണമിടപാടില്‍ പ്രവാസികള്‍ക്ക് കൂടുതല്‍ രൂപ ലഭിക്കാനിടയാക്കുന്നത്. ഇതോടെ പണമിടപാട് സ്ഥാപനങ്ങളിലേക്ക് പ്രവാസികളുടെ ഒഴുക്ക് കൂടും.​ പ​ല​രും പ​ണം നാ​ട്ടി​ലേ​ക്ക് അ​യ​ക്കാ​തെ ഉ​യ​ർ​ന്ന നി​ര​ക്കി​നാ​യി കാ​ത്തി​രി​ക്കു​ക​യാ​ണ്.

ജനുവരി അ​വ​സാ​ന​ത്തോ​ടെ ഒ​രു റി​യാ​ലി​ന് 190 രൂ​പ വ​രെ ല​ഭി​ക്കാ​ൻ സാദ്ധ്യ​ത​യെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു. നിലവിൽ വിനിമയ നിരക്ക് റിയാലിന് 185 രൂപയാണ്. ക​ഴി​ഞ്ഞ വ​ർ​ഷം ജ​നു​വ​രി അ​വ​സാ​ന​ത്തി​ലും രൂ​പ​യു​ടെ മൂ​ല്യം കു​റ​ഞ്ഞി​രു​ന്നു. ക​ഴി​ഞ്ഞ വ​ർ​ഷം ജ​നു​വ​രി അ​വ​സാ​ന​ത്തി​ൽ 193.45 രൂ​പ​യാ​യി​രു​ന്നു റി​യാ​ലിന്റെ വി​നി​മ​യ നി​ര​ക്ക്. ഈ ​മാ​സം ആ​ദ്യം റി​യാ​ലിന്റെ വി​നി​മ​യ നി​ര​ക്ക് 186.6 രൂ​പ​യാ​യി​രു​ന്നു.

രൂ​പ​യു​ടെ മൂ​ല്യം കു​റ​യു​ന്ന​ത് ക​യ​റ്റു​മ​തി മേ​ഖ​ല​ക്ക് നേട്ടമാണ് ഉണ്ടാക്കുന്നത്. ലോ​ക​ത്തി​ലെ എ​ല്ലാ രാ​ജ്യ​ങ്ങ​ളും ക​യ​റ്റു​മ​തി വ​ർദ്ധിപ്പി​ക്കാ​ൻ ക​റ​ൻ​സി​യു​ടെ മൂ​ല്യം കു​റ​ക്കു​ക​യാ​ണ് ചെ​യ്യു​ന്ന​ത്. ഏത് രം​ഗ​ത്തേ​ക്കാ​ളും നി​ക്ഷേ​പ​ക​ർ​ക്ക് ഏ​റെ സു​ര​ക്ഷി​ത​മാ​യ​ത് ഡോ​ള​റു​ക​ളാ​ണ്. ഇക്കാരണംകൊണ്ടുതന്നെ വി​ദേ​ശ നി​ക്ഷേ​പ​ക​ർ ഡോ​ള​ർ വാ​ങ്ങി​ക്കൂ​ട്ടാ​ൻ ശ്ര​മി​ക്കും. ഇ​ത് ഡോ​ള​റിന്റെ ഡി​മാ​ൻ​ഡ്​ വ​ർ​ദ്ധിപ്പിക്കാ​ൻ കാ​ര​ണ​മാ​ക്കും. അ​തി​നാ​ൽ, ഡോ​ള​ർ ഇ​നി​യും ശ​ക്തി​പ്രാ​പി​ക്കാ​നാ​ണ് സാദ്ധ്യതയെന്നാണ് റിപ്പോർട്ടുകൾ. നി​ല​വി​ൽ ആ​ഗോ​ള ത​ല​ത്തി​ലെ​യും ഇ​ന്ത്യ​യി​ലെ​യും സാ​മ്പ​ത്തി​ക സാ​ഹ​ച​ര്യ​ത്തി​ൽ രൂ​പ ഇ​നി​യും ശ​ക്തി പ്രാ​പി​ക്കാ​നാ​ണ് സാ​ദ്ധ്യതയെ​ന്ന് സാമ്പത്തിക വിദഗ്ധർ ചൂണ്ടിക്കാട്ടുന്നു.