കോഴിക്കോട്: കോഴിക്കോട് കുന്ദമംഗലം മടവൂരിൽ അച്ഛൻ മകളെ വെട്ടിക്കൊന്ന ശേഷം ആത്മഹത്യചെയ്തു..ഗുരുതരമായി പരിക്കേറ്റ അമ്മയെ മെ‌‌ഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ശനിയാഴ്ച വൈകീട്ട് വീട്ടിലെത്തിയ രണ്ടാനച്ഛൻ ദേവദാസ് മകളെയും അമ്മയെയും വെട്ടി പരിക്കേല്‍പ്പിക്കുയായിരുന്നു. ഗുരുതരമായി വെട്ടേറ്റ മകൾ സംഭവസ്ഥലത്തുവെച്ചു തന്നെ മരിച്ചു. സംഭവമറിഞ്ഞെത്തിയ സമീപവാസികളാണ് അമ്മയെ മെഡിക്കൽകോളജില്‍ എത്തിച്ചത്. അമ്മയുടെ നില ഗുരുതരമാണെന്നാണ് റിപ്പോർട്ട്.
കുടുംബപ്രശ്‌നമാണ് കൊലപാതകത്തിലേക്ക് നയിച്ചതെന്നാണ് അയൽവാസികൾ പറയുന്നത്. സംഭവത്തിൽ അന്വേഷണം ആരംഭിച്ചതായി പൊലീസ് പറഞ്ഞു