ഈ വർഷം മലയാളത്തിൽ റീലീസായ ചിത്രങ്ങളിൽകോടികൾ വാരിക്കൂട്ടിയ ചിത്രമായിരുന്നു മോഹൻലാൽ നായകായ ലൂസിഫർ. യുവതാരം പൃഥ്വിരാജ് സംവിധായകനായി അരങ്ങേറിയ ചിത്രം കൂടിയായിരുന്നു ലൂസിഫർ. 130 കോടി രൂപ കളക്ഷൻ നേടിയ ഈ ചിത്രത്തിന് നിരവധി സവിശേഷതകളുണ്ട്. ഈ ചിത്രത്തിൽ ഒരു ഡാൻസ് ബാറിന്റെ പശ്ചാത്തലത്തിൽ ഒരുക്കിയ ഐറ്റംഡാൻസ് ഗാനരംഗം സ്ത്രീവിരുദ്ധമായിപ്പോയെന്ന ആരോപണം ചിത്രം ഇറങ്ങിയതുമുതൽ ഉയർന്നിരുന്നു. എന്നാൽ ആ ആരോപണം തള്ളി രംഗത്തെത്തിയിരിക്കുകയാണ് പൃഥ്വിരാജ്.

ആ ഗാനരംഗം അങ്ങനെ മാത്രമെ ചിത്രീകരിക്കാൻ സാധിക്കുകയുള്ളുവെന്ന് പൃഥ്വിരാജ് പറയുന്നു സെക്സ്, മയക്കുമരുന്ന്, പണം തുടങ്ങിയ ദൃഷ്ടശക്തികൾ ഒരുമിക്കുന്ന ഒരു പോയിന്റായാണ് ആ ഡാൻസ് ബാർ അവതരിപ്പിച്ചത്. താൻ അങ്ങനെയാണ് ഉദ്ദേശിച്ചതെങ്കിലും അതിനെ എങ്ങനെ വേണമെങ്കിലും വ്യാഖ്യാനിക്കാനുള്ള സ്വാതന്ത്ര്യം പ്രേക്ഷകർക്ക് ഉണ്ടെന്നും പൃഥ്വി പറഞ്ഞു.
ഇങ്ങനെയൊക്കെ ആരോപണം ഉന്നയിക്കാൻ തുടങ്ങിയാൽ പ്രശസ്തമായ പല പെയിന്റിംഗുകളും സ്ത്രീവിരുദ്ധമാണെന്ന് പറയേണ്ടിവരുമെന്നും പൃഥ്വിരാജ് പറയുന്നു.