മൂന്നാർ: മൂന്നാറിൽ പ്രായപൂർത്തിയാകാത്ത ആൺകുട്ടിയെ പീഡിപ്പിച്ചെന്ന പരാതിയിൽ ബന്ധുവായ യുവതിക്കെതിരെ പൊലീസ് കേസെടുത്തു. തമിഴ്നാട് സ്വദേശിനിയായ ഇരുപത്തൊന്നുകാരിക്കെതിരേയാണ് പോക്സോ നിയമപ്രകാരം മൂന്നാർ പൊലീസ് കേസെടുത്തത്. ലക്ഷ്മി സ്വദേശിയായ പതിനഞ്ചുവയസു കാരനെയാണ് യുവതി പീഡിപ്പിച്ചത്.

ആൺകുട്ടിയുടെ ബന്ധുവായ യുവതി തമിഴ്നാട്ടിൽ നിന്ന് ഒരാഴ്ച മുൻപാണ് ആൺകുട്ടിയുടെ വീട്ടിലെത്തിയത്. ഇവിടെ വച്ചാണ് പീഡനം നടന്നതെന്നാണ് വിവരം. കഴിഞ്ഞ ദിവസം കുട്ടിയുടെ രഹസ്യഭാഗത്ത് വേദന അനുഭവപ്പെട്ടതിനെത്തുടർന്ന് അച്ഛനമ്മമാർ ചിത്തിരപുരത്തെ സർക്കാർ ആശുപത്രിയിലെത്തിച്ചു.

ഡോക്ടർ പരിശോധിച്ചപ്പോഴാണ് പീഡനവിവരം അറിയുന്നത്. തുടർന്ന് ചൈൽഡ് ലൈൻ പ്രവർത്തകർ നൽകിയ പരാതിയിലാണ് പൊലീസ് കേസെടുത്തത്. യുവതിക്കായി അന്വേഷണം ആരംഭിച്ചതായി പൊലീസ് പറഞ്ഞു.