തിരുവനന്തപുരം: പൗ​ര​ത്വ നിയമ ഭേ​ദ​ഗ​തി അ​ട​ക്കമുള്ള വി​ഷ​യ​ങ്ങ​ൾ ച​ർ​ച്ച ചെ​യ്യാ​ൻ നി​യ​മ​സ​ഭ​യു​ടെ പ്ര​ത്യേ​ക സ​മ്മേ​ള​നം ആരംഭിച്ചു. സഭയിൽ പൗ​ര​ത്വ നിയമ ഭേ​ദ​ഗ​തി സംബന്ധിച്ച പ്രമേയം മുഖ്യമന്ത്രി പിണറായി വിജയൻ അവതരിപ്പിച്ചു. നിയമം ഭരണഘടനാ വിരുദ്ധമെന്നും മതവിവേചനത്തിന് ഇടയാക്കുമെന്ന് മുഖ്യമന്ത്രി പറഞ്ഞു.

അതേസമയം, പൗ​ര​ത്വ നിയമ ഭേ​ദ​ഗ​തി പ്രമേയത്തെ എതിർത്ത് ബി.ജെ.പി നേതാവ് ഒ രാജഗോപാൽ രംഗത്തെത്തി. പ്രമേയം ഭരണഘടനാ വിരുദ്ധമാണെന്ന് അദ്ദേഹം പ്രതികരിച്ചു. പൗ​ര​ത്വ ഭേ​ദ​ഗ​തി നി​യ​മ​ത്തി​ന്റെ വി​ജ്​​ഞാ​പ​നം പു​റ​പ്പെ​ടു​വി​ക്കു​ന്ന​ത്​ നി​റുത്തിവയ്ക്കണ​മെ​ന്ന പ്ര​മേ​യം പ്ര​തി​പ​ക്ഷ നേ​താ​വ്​ രമേശ് ചെന്നിത്തല അവതരിപ്പിക്കും.

ഞാ​യ​റാ​ഴ്​​ച ചേ​ർ​ന്ന സ​ർ​വ​ക​ക്ഷി യോ​ഗ​ത്തി​ലാ​ണ്​ നി​യ​മ​സ​ഭ ചേ​ര​ണ​മെ​ന്ന നി​ർ​ദേ​ശം ഉ​യ​ർ​ന്ന​ത്. തു​ട​ർ​ന്ന്,​ അ​ടി​യ​ന്ത​ര മ​ന്ത്രി​സ​ഭ ചേ​ർ​ന്ന്​ ഗ​വ​ർ​ണ​ർ​ക്ക്​ ശുപാ​ർ​ശ ന​ൽ​കു​ക​യാ​യി​രു​ന്നു. പ​ട്ടി​ക വി​ഭാ​ഗം സം​വ​ര​ണം 10 വ​ർ​ഷ​ത്തേ​ക്ക്​ നീ​ട്ടു​ന്ന ഭ​ര​ണ​ഘ​ട​നാ ഭേ​ദ​ഗ​തി​ക്ക്​ അം​ഗീ​കാ​രം ന​ൽ​ക​ലാ​ണ്​ സ​മ്മേ​ള​ന​ത്തി​ന്റെ ഔദ്യോ​ഗി​ക അ​ജ​ണ്ട.