ന്യൂ​ഡ​ൽ​ഹി: ഇ​ന്ധ​ന വി​ല​വ​ർ​ധ​ന​യ്ക്ക് പി​ന്നാ​ലെ ട്രെ​യി​ൻ യാ​ത്രാ​നി​ര​ക്കു​ക​ളും കേ​ന്ദ്രം വ​ർ​ദ്ധിപ്പി​ച്ചു. അ​ടി​സ്ഥാ​ന യാ​ത്രാ​നി​ര​ക്കു​ക​ളി​ൽ ഒ​രു രൂ​പ 40 പൈ​സ​യാ​ണ് കൂ​ട്ടി​യ​ത്. പു​തി​യ നി​ര​ക്കു​ക​ൾ ചൊ​വ്വാ​ഴ്ച അ​ർ​ദ്ധ​രാ​ത്രി മു​ത​ലാണ് നി​ല​വി​ൽ വ​രും. ടിക്ക​റ്റ് നി​ര​ക്കി​ലെ വർദ്ധനവ​നു​സ​രി​ച്ച് ജി​.എ​സ്.ടി​യിലും സ​ർ​വീ​സ് ചാർജിലും വർദ്ധനവുണ്ടാകും. റെ​യി​ൽവേ സാ​മ്പ​ത്തി​ക പ്ര​തി​സ​ന്ധി നേ​രി​ടു​ന്ന അവസ്ഥയിൽ നി​ര​ക്ക് ഉ​യർ​ത്താ​നു​ള്ള നി​ർ​ദേ​ശം മാ​സ​ങ്ങ​ളാ​യി കേ​ന്ദ്ര​സ​ർ​ക്കാ​രി​ന്റെ മു​ന്നി​ലു​ണ്ടാ​യി​രുന്നു.

ഒ​ക്ടോ​ബ​റി​ൽ റെ​യി​ൽവേയുടെ വ​രു​മാ​ന​ത്തിൽ 7.8 ശ​ത​മാ​ന​ത്തി​ന്റെ ഇ​ടി​വാണ് സംഭവിച്ചിരുന്നത്. ച​ര​ക്കു​നീ​ക്ക​ത്തി​ൽ നി​ന്നും പ്ര​തീ​ക്ഷി​ച്ച വ​രു​മാ​നം റെയിൽവേയ്ക്ക് കിട്ടിയിരുന്നതുമില്ല. ഈ ​സാ​ഹ​ച​ര്യ​ത്തി​ലാ​ണ് നി​ര​ക്ക് വർദ്ധന വരു​ത്തി​യ​തെ​ന്നാ​ണ് വി​ശ​ദീ​ക​ര​ണം. അ​തേ​സ​മ​യം, ച​ര​ക്കു​നീ​ക്ക നി​ര​ക്കിൽ വർദ്ധനയുണ്ടാകില്ല. റെ​യി​ൽവേ സ്റ്റേ​ഷ​നു​ക​ളി​ലെ ഐ.​ആർ.ടി.​സി റെസ്റ്റോ​റ​ന്റുക​ളി​ലെ ഭ​ക്ഷ​ണ വി​ല നേ​ര​ത്തെ തന്നെ വർദ്ധിപ്പിച്ചിരുന്നു.

എ​ക്സ്പ്ര​സ്, മെ​യി​ല്‍ ട്രെ​യി​നു​ക​ളു​ടെ നി​ര​ക്കി​ലാ​കും റെ​യി​ൽ​വേ സ്റ്റേ​ഷ​നു​ക​ളി​ലെ ഭ​ക്ഷ​ണ ശാ​ല​ക​ളി​ലും ഇ​നി മു​ത​ൽ ഭ​ക്ഷ​ണം ല​ഭി​ക്കു​ക. അ​ഞ്ച് രൂ​പ മു​ത​ലാ​ണ് വർദ്ധനവുണ്ടായിരിക്കുന്നത്. സംസ്ഥാനത്ത് ഇന്ധനവിലയും വർദ്ധിച്ചിരുന്നു. പെട്രോളിന് 11 പൈസയും ഡീസലിന് 19 പൈസയുമാണ് വർദ്ധിച്ചത്. രണ്ടാഴ്ചയ്ക്കുള്ളിൽ ഡീസലിന് 2 രൂപയാണ് വർദ്ധിച്ചത്.