ബൈക്കിടിച്ച് പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു
പരപ്പനങ്ങാടി:ബൈക്കിടിച്ചു പരിക്കേറ്റ് ചികിത്സയിലായിരുന്ന വീട്ടമ്മ മരിച്ചു. പരപ്പനങ്ങാടി പുത്തൻപീടികയിലെ പരേതനായ പെനക്കത്ത് രവീന്ദ്രൻ നായരുടെ ഭാര്യയും തിരൂർ വള്ളത്തോൾ ഭാർഗ്ഗവമേനോന്റെയും പാട്ടത്തിൽ ചന്ദ്രമതി അമ്മയുടെയും മകളുമായ ഗീത(59)യാണ് കോഴിക്കോട് സ്വകാര്യ ആശുപത്രിയിൽ വെച്ച് ഇന്നലെ മരിച്ചത്. ഇക്കഴിഞ്ഞ 28ന് തിരൂർ പുല്ലൂണിയിലാണ് അപകടം നടന്നത്. മക്കൾ:ഇന്ദ്രജിത്ത്(ബാംഗ്ലൂർ), ശ്രീജിത്ത്(ജപ്പാൻ). മരുമകൾ:തുളസി (ബാംഗ്ലൂർ). സംസ്‌കാരം ഇന്ന് പുത്തൻപീടികയിലെ വീട്ടിൽ നടക്കും.