തിരൂരങ്ങാടി : പൊട്ടിപ്പൊളിഞ്ഞ് കിടക്കുകയായിരുന്ന തി​രൂ​ര​ങ്ങാ​ടി​ ​-​ ​കൊ​ള​പ്പു​റം​ ​റോ​ഡ് ​ നവീകരിക്കുന്നു. ഇതു സംബന്ധിച്ച് കേരളകൗമുദി പ്രസിദ്ധീകരിച്ച റിപ്പോർട്ടിന്റെ അടിസ്ഥാനത്തിലാണ് നടപടി. റോഡിന്റെ വീതി കൂട്ടുന്നതിന്റെ ഭാഗമായി ഇരുവശങ്ങളും ജെ.സി.ബി ഉപയോഗിച്ച് നിരത്താൻ തുടങ്ങിയിട്ടുണ്ട്. പുതുവർഷത്തിന് മുമ്പായി പണികൾ പൂർത്തിയാക്കുമെന്ന് അധികൃതർ അറിയിച്ചു. റോഡിന്റെ വീതി അഞ്ചര മീറ്ററിൽ നിന്ന് ഏഴര മീറ്ററാക്കി വർദ്ധിപ്പിക്കുന്നുണ്ട്.

റോ​ഡി​ലെ​ ​ക​യ​റ്റി​റ​ക്ക​ങ്ങ​ൾ​ ​ശ​രി​യാ​ക്കാ​നാ​യി​ ​പൊ​ളി​ച്ച​ ​റോ​ഡ് ​ഇ​തു​വ​രെ​ ​ന​ന്നാ​ക്കാ​ത്ത​തി​നാ​ൽ​ ​പൊ​ടി​തി​ന്ന് ​ജീ​വി​ക്കു​ക​യാ​യിരുന്നു നാ​ട്ടു​കാ​ർ.​ ​വി​ദ്യാ​ർ​ത്ഥി​ക​ൾ​ക്കും​ ​കാ​ൽ​ന​ട​യാ​ത്ര​ക്കാ​ർ​ക്കും​ ​ഇ​തു​വ​ഴി​ ​ന​ട​ക്കാ​ൻ​ ​പ​റ്റാ​ത്ത​ ​അ​വ​സ്ഥ​യാ​ണ്.​ ​തി​രൂ​ർ,​​​ ​താ​നൂ​ർ,​ ​ന​ന്ന​മ്പ്ര​, ​തി​രൂ​ര​ങ്ങാ​ടി​ ​ഭാ​ഗ​ങ്ങ​ളി​ൽ​ ​നി​ന്നു​ള്ള​വ​ർ​ക്ക് ​ക​രി​പ്പൂ​ർ​ ​വി​മാ​ന​ത്താ​വ​ള​ത്തി​ലേ​ക്ക് ​എ​ത്താ​നു​ള്ള​ ​ഏ​ക​ ​റോ​ഡാ​ണി​ത്.​ ​മ​ഴ​യെ​ ​പ​ഴി​ചാ​രി​യാ​ണ് ​ക​രാ​റു​കാ​ര​ൻ​ ​പ്ര​വൃ​ത്തി​ ​പാ​തി​വ​ഴി​യി​ലി​ട്ട​തെ​ങ്കി​ൽ​ ​മ​ഴ​ ​മാ​റി​നി​ന്നി​ട്ടും​ ​ടാ​റിം​ഗ് ​അ​ട​ക്ക​മു​ള്ള​ ​പ​ണി​ക​ൾ​ ​തു​ട​ങ്ങി​യിരുന്നില്ല.​ കേ​ടു​പാ​ടി​ല്ലാ​ത്ത​ ​ഇ​ട​ങ്ങ​ളി​ല​ട​ക്കം​ ​റോ​ഡ് ​പൊ​ളി​ച്ചി​രുന്നു. ​രൂ​ക്ഷ​മാ​യ​ ​പൊ​ടി​ശ​ല്യ​ത്തെ​ ​തു​ട​ർ​ന്ന് ​പ്ര​ദേ​ശ​ത്തെ​ ​ജ​ന​ജീ​വി​തം​ ​ദു​സ്സ​ഹ​മായിരുന്നു. രാത്രിയിൽ അപകടങ്ങളും വർദ്ധിച്ചു. റോ‌ഡ് നവീകരണം പൂർത്തിയാവുന്നതോടെ പ്രശ്നങ്ങൾക്ക് പരിഹാരമാവുമെന്ന പ്രതീക്ഷയിലാണ് നാട്ടുകാർ