പന്തളം : മങ്ങാരം ഗവ: യു.പി.സ്‌കൂളിൽ പന്തളം നഗരസഭയുടെ വാർഷിക പദ്ധതിയിൽ ഉൾപ്പെടുത്തി നിർമ്മിച്ച പാചക പ്പുരയുടെ ഉദ്ഘാടനം പന്തളം നഗരസഭ അദ്ധ്യക്ഷ ടി.കെ.സതി നിർവഹിച്ചു. പന്തളം നഗരസഭ ഫണ്ട് ഉപയോഗിച്ച് തയാറാക്കിയ സ്മാർട്ട് ക്ലാസ് റൂമിന്റെ ഉദ്ഘാടനം പന്തളം നഗരസഭ കൗൺസിലർ ജി.അനിൽകുമാറും നിർവഹിച്ചു. സ്‌കൂൾ മനേജിംഗ് കമ്മിറ്റി ചെയർമാൻ ബി.മനോജ്കുമാറിന്റെ അദ്ധ്യക്ഷതയിൽ ചേർന്ന സമ്മേളനം പന്തളം നഗരസഭ വിദ്യാഭ്യാസ സ്ഥിരം സമിതി അദ്ധ്യക്ഷ ലസിത നായർ ഉദ്ഘാടനം ചെയ്തു .സ്‌കൂൾ പ്രഥമാദ്ധ്യാപിക ഡി.രജിത ,സ്‌കൂൾ മനേജിംഗ് കമ്മിറ്റി അംഗം കെ.എച്ഛ് .ഷിജു ,സ്റ്റാഫ് സെക്രട്ടറി പി.കൃഷ്ണൻ നായർ എന്നിവർ സംസാരിച്ചു.