എഴുമറ്റൂർ : എസ്.എൻ.ഡി.പി 1156 നമ്പർ ശാഖയുടെ പോഷക സംഘടനയായ ബാലജന യോഗം പ്രവർത്തനം ആരംഭിച്ചു.തിരുവല്ല എസ്.എൻ.ഡി.പി യൂണിയന്റെ ഭാഗമായി രവിവാര പാഠശാല പ്രവർത്തനങ്ങൾ കുട്ടികളിൽ ശ്രീനാരായണ ധർമ്മ പ്രചരണത്തിനും വ്യക്തിത്വ വികസനത്തിനുമായാണ് 6 വയസ് മുതൽ 18 വയസ് വരെയുള്ള കുട്ടികളെ മൂന്ന് ഗ്രൂപ്പുകളായി തിരിച്ച് ബാലജനയോഗം പ്രവർത്തനം നടത്തുന്നത്. എസ്.എൻ.ഡി.പി യോഗം ഇൻസ്‌പെക്ടിംഗ് ഓഫീസർ എസ്.​രവീന്ദ്രൻ ഉദ്ഘാടനം നിർവഹിച്ചു.ശാഖാ പ്രസിഡന്റ് സന്തോഷ് സായി അദ്ധ്യക്ഷത വഹിച്ചു. ശാഖാ സെക്രട്ടറി പ്രതിഷ് കെ.ആർ മുഖ്യപ്രഭാഷണം നിർവഹിച്ചു ശാഖാ വൈസ് പ്രസിഡന്റ് സനോജ് ,ഷാൻ രമേശ് ഗോപൻ തുടങ്ങിയവർ സംസാരിച്ചു. രാജേന്ദ്രൻ,അനിതാ,നിഷ തുടങ്ങിയവർ ക്ലാസുകൾക്ക് നേതൃത്വം നൽകി.