പത്തനംതിട്ട : ഇരുപത്തിയാറാമത് അയിരൂർ ശ്രീനാരായണ കൺവെൻഷൻ ഡിസംബർ 22 മുതൽ 25 വരെ അയിരൂർ പുത്തേഴം ശ്രീശങ്കരോദയ മഹാദേവ ക്ഷേത്രാങ്കണത്തിൽ പ്രത്യേകം തയ്യാറാക്കിയ കൺവെൻഷൻ നഗറിൽ നടക്കും. എസ്.എൻ.ഡി.പി.യോഗം കോഴഞ്ചേരി യൂണിയന്റെ സഹകരണത്തോടെയാണ് കൺവെൻഷൻ നടക്കുന്നത്. രാവിലെ 8.30ന് അയിരൂർ ശ്രീനാരായണ മിഷൻ പ്രസിഡന്റ് സി.എൻ.ബാബുരാജൻ പതാക ഉയർത്തും. 9 മുതൽ ഭക്തിഗാനസുധ, 10.30 ന് സമ്മേളനം ആരംഭിക്കും. ശിവഗിരിമഠം ജനറൽസെക്രട്ടറി സാന്ദ്രാനന്ദസ്വാമികൾ സമ്മേളനം ഉദ്ഘാടനം ചെയ്യും. അയിരൂർ ശ്രീനാരായണ മിഷൻ പ്രസിഡന്റ് സി.എൻ.ബാബുരാജൻ അദ്ധ്യക്ഷത വഹിക്കും. എസ്.എൻ.ഡി.പി യോഗം അസി. സെക്രട്ടറി പി.ടി.മന്മദൻ മുഖ്യപ്രഭാഷണം നടത്തും. യോഗം ഇൻസ്‌പെക്ടിംഗ് ഓഫീസർ എസ്. രവീന്ദ്രൻ എഴുമറ്റൂർ പ്രഭാഷണം നടത്തും. 647-ാം കോഴഞ്ചേരി ശാഖാ പ്രസിഡന്റ് എൻ.എൻ. പ്രസാദ്, കോഴഞ്ചേരി യൂണിയൻ കൗൺസിലർമാരായ പ്രേംകുമാർ മുളമൂട്ടിൽ, സുഗതൻ പൂവത്തൂർ, 250-ാം അയിരൂർ ശാഖാ വൈസ് പ്രസിഡന്റ് ബി. പ്രസാദ് എന്നിവർ സംസാരിക്കും. ഉച്ചക്ക് 2ന് സാഹിത്യ സമ്മേളനം കോഴഞ്ചേരി യൂണിയൻ വൈസ് പ്രസിഡന്റ് എം.വി.വിജയൻ ഉദ്ഘാടനം ചെയ്യും. 2322-ാം കുഴിക്കാല ശാഖാ സെക്രട്ടറി മോഹൻ പട്ടാഴി അദ്ധ്യക്ഷത വഹിക്കും. 2.30 മുതൽ കുട്ടികളുടെ സാഹിത്യമത്സരം ആരംഭിക്കും.
23ന് രാവിലെ 10ന് വനിതാസമ്മേളനം യോഗം അസി. സെക്രട്ടറി വനജാ വിദ്യാധരൻ ഉദ്ഘാടനം ചെയ്യും. കോഴഞ്ചേരി യൂണിയൻ വനിതാസംഘം പ്രസിഡന്റ് വിനീത അനിൽ അദ്ധ്യക്ഷത വഹിക്കും. നിർമ്മല മോഹനൻ മുഖ്യപ്രഭാഷണം നടത്തും. അനിത ഉണ്ണികൃഷ്ണൻ, വിലാസിനി പ്രഭാകരൻ, ഓമന സോമൻ എന്നിവർ സംസാരിക്കും. ഉച്ചക്ക് 2 ന് യുവജനസമ്മേളനം പന്തളം യൂണിയൻ സെക്രട്ടറി ഡോ. എ.വി. ആനന്ദ് രാജ് ഉദ്ഘാടനം ചെയ്യും. കോഴഞ്ചേരി യൂണിയൻ സെക്രട്ടറി ജി.ദിവാകരൻ അദ്ധ്യക്ഷത വഹിക്കും. ആര്യാട് ശ്രീനാരായണ പഠനകേന്ദ്രം ഡയറക്ടർ വിജയലാൽ നെടുങ്കണ്ടം മുഖ്യപ്രഭാഷണം നടത്തും. അഡ്വ. സോണി.പി. ഭാസ്‌കർ, എൻ.എൻ.രാജൻ കുഴിക്കാല, ജിനു ദാസ്, സജിമോൻ എന്നിവർ സംസാരിക്കും.
24ന് ശ്രീനാരായണ ധർമ്മ പ്രബോധനവും ധ്യാനവും സർവൈശ്വര്യപൂജയും യജ്ഞാചാര്യൻ കോടുകുളഞ്ഞി ശ്രീനാരായണ വിശ്വധർമ്മ മഠം മഠാധിപതി ശിവബോധാനന്ദ സ്വാമികളുടെ നേത്യത്വത്തിൽ നടക്കും. 10ന് ആചാര്യവരണവും തുടർന്ന് പന്തളം യൂണിയൻ കൗൺസിലർ രേഖാ അനിൽ ധ്യാനസന്ദേശം നൽകും. വൈകിട്ട് 4ന് സർവൈശ്വര്യപൂജ.
25ന് സമാപനസമ്മേളനം യോഗം വൈസ് പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യും. കോഴഞ്ചേരി യൂണിയൻ പ്രസിഡന്റ് കെ.എൻ. മോഹനബാബു അദ്ധ്യക്ഷത വഹിക്കും. യോഗം അസി. സെക്രട്ടറി പി.എസ്. വിജയൻ, ഐ.ടി.ഡി.സി ഡയറക്ടർ കെ.പത്മകുമാർ എന്നിവർ മുഖ്യപ്രഭാഷണം നടത്തും. ഡയറക്ടർ ബോർഡ് മെമ്പർ പി.ആർ. രാഖേഷ്, യൂണിയൻ കൗൺസിലർ സിനു.എസ്. പണിക്കർ എന്നിവർ സംസാരിക്കും.