പ്രമാടം: കോട്ടയംകര കുടുംബക്ഷേമ ഉപകേന്ദ്രം കെട്ടിടത്തിന്റെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് റോബിൻ പീറ്റർ നിർവഹിച്ചു. വൈസ് പ്രസിഡന്റ് ലിസി ജയിംസ് അദ്ധ്യക്ഷതവഹിച്ചു. ഗ്രാമ പഞ്ചായത്തംഗം കെ.ആർ പ്രഭ, മെഡിക്കൽ ഓഫീസർ ഡോ. ഷെറിൻ ജോസ്, പി. എസ്. കമലാ​സനൻ, സി. എസ്. സാ​മുവൽ, സതി കമലഹാസൻ, ഹെൽത്ത് ഇൻപെക്ടർ ഷാ എന്നിവർ പ്രസംഗിച്ചു പഞ്ചായത്തിൽ ആറ് ആരോഗ്യ ഉപകേന്ദ്രങ്ങളുണ്ട്. എല്ലാ കുടുംബാരോഗ്യ ഉപകേ​ന്ദ്രങ്ങൾക്കും സ്വന്തം കെട്ടിടമെന്ന പഞ്ചായത്ത് ഭരണസമിതിയുടെ സ്വപ്നമാണ് പുതിയ കെട്ടിടത്തോടെ യാഥാർത്ഥ്യമാകു​ന്നത്. പ്രമാടംപഞ്ചായത്തിലെ 8 ,9, 15 വാർഡുകൾക്കാ​യാണ് കോട്ടയം കര ഉപകേന്ദ്രം പ്രവർത്തിക്കു​ന്നത്. മാസത്തിൽ ഒരു തവണ ഡോക്ടറുടെ സേവനം ലഭിക്കും. ഹെൽത്ത് ഇൻസ്‌പെക്ടർമാരും ആശാ പ്രവർത്തകരും ഉണ്ടാകും.