തിരുവല്ല: എസ്.എൻ.ഡി.പി യോഗം തിരുവല്ല യൂണിയന്റെ ആഭിമുഖ്യത്തിൽ ഗുരു അരങ്ങ് യൂണിയൻതല ശ്രീനാരായണ കലോത്സവം 21നും 22നും തിരുമൂലപുരം എസ്.എൻ.വി.എസ് ഹൈസ്‌കൂളിൽ നടക്കും. 21ന് രാവിലെ 8.30ന് ഭദ്രദീപ പ്രകാശനം തുടർന്ന് രജിസ്‌ട്രേഷൻ 9ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ അദ്ധ്യക്ഷയിൽ നടക്കുന്ന സമ്മേളനം മന്ത്രി വി.എസ് സുനിൽകുമാർ ഉദ്ഘാടനം ചെയ്യും. യൂണിയൻ ചെയർമാൻ ബിജു ഇരവിപേരൂർ റിപ്പോർട്ട് അവതരിപ്പിക്കും. യൂണിയൻ കൺവീനർ അനിൽ എസ്.ഉഴത്തിൽ സ്വാഗതം ആശംസിക്കും. കോടുകുളഞ്ഞി വിശ്വധർമ്മമഠം മഠാധിപതി സ്വാമി ശിവബോധാനന്ദ അനുഗ്രഹപ്രഭാഷണം നടത്തും.യോഗം അസി.സെക്രട്ടറി പി.എസ്.വിജയൻ സന്ദേശം നൽകും.യോഗം ഇൻസ്‌പെക്റ്റിംഗ് ഓഫീസർ രവീന്ദ്രൻ എഴുമറ്റൂർ മുഖ്യപ്രഭാഷണം നടത്തും.നേതാക്കളായ എ.പി.ജയൻ,കെ.പി ഉദയഭാനു, പ്രൊഫ.സതീഷ് കൊച്ചുപറമ്പിൽ,ഡോ.കെ.ജി.സുരേഷ്,സുധാഭായി,ഗിരീഷ് മല്ലപ്പള്ളി, വിശ്വനാഥൻ വേട്ടവക്കോട്ട്,അനിൽചക്രപാണി,ഷാനിമോൾ കെ.സോമൻ,സന്തോഷ് ഐക്കരപ്പറമ്പിൽ എന്നിവർ പ്രസംഗിക്കും.22ന് 10.30ന് ചികിത്സാസഹായ വിതരണവും ആദരിക്കലും സമ്മേളനം എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യും.യൂണിയൻ ചെയർമാൻ ബിജു ഇരവിപേരൂർ അദ്ധ്യക്ഷത വഹിക്കും. യൂണിയൻ കൺവീനർ അനിൽ എസ്.ഉഴത്തിൽ സ്വാഗതം ആശംസിക്കും. ആലുവ അദ്വൈതാശ്രമം സെക്രട്ടറി സ്വാമി ശിവസ്വരൂപാനന്ദ അനുഗ്രഹ പ്രഭാഷണം നടത്തും. യോഗം അസി.സെക്രട്ടറി പി.എസ്.വിജയൻ, ഇൻസ്‌പെക്റ്റിംഗ് ഓഫീസർ രവീന്ദ്രൻ എഴുമറ്റൂർ,നേതാക്കളായ അശോകൻ കുളനട,കെ.ജി.ബിജു, സുമേഷ് ആഞ്ഞിലിത്താനം,രാജേഷ് ശശിധരൻ,എം.മഹേഷ്, ശരത് ഷാജി,പി.എൻ. മണിക്കുട്ടൻ എന്നിവർ പ്രസംഗിക്കും.വൈകിട്ട് മൂന്നിന് സമാപന സമ്മേളനം മാത്യു.ടി.തോമസ് ഉദ്‌ഘാടനം ചെയ്യും.ചലച്ചിത്ര സംവിധായകൻ ബ്ളസി സമ്മാനദാനം നടത്തും. കുറിച്ചി അദ്വൈത വിദ്യാശ്രമം സെക്രട്ടറി സ്വാമി ധർമ്മചൈതന്യ അനുഗ്രഹ പ്രഭാഷണം നടത്തും.ശ്രീലേഖ രഘുനാഥ്‌, പ്രസന്നകുമാർ,ദീപു ശാന്തി, സുജിത്ത് ശാന്തി,പ്രസാദ് മുല്ലശേരി എന്നിവർ പ്രസംഗിക്കും.

മുന്നൂറിലധികം പ്രതിഭകൾ

എൽ.പി,യു.പി, ഹൈസ്‌കൂൾ,ബിരുദതലങ്ങളിലായി മൂന്നു വേദികളിൽ നടക്കുന്ന മത്സരങ്ങളിൽ അഞ്ഞൂറോളം കലാപ്രതിഭകൾ മാറ്റുരയ്ക്കും. ശാഖാതലത്തിലെ ശ്രീനാരായണ കലോത്സവത്തിൽ വിജയികളായി മേഖലാതലത്തിൽ മത്സരിച്ചു ഒന്നാംസ്ഥാനങ്ങൾ കരസ്ഥമാക്കിയവരാണ് യൂണിയൻ തലത്തിൽ നടക്കുന്ന ശ്രീനാരായണ കലോത്സവത്തിൽ പങ്കെടുക്കുന്നത്.

കലാമത്സരങ്ങൾ :ഒന്നാംദിവസം
ഭരതനാട്യം,ഒപ്പന,നാടോടിനൃത്തം,കേരളനടനം,മിമിക്രി, മോണോ ആക്ട്, തിരുവാതിര,കുച്ചിപ്പുടി, ചെണ്ടമേളം.

കലാമത്സരങ്ങൾ : രണ്ടാംദിവസം

ഗുരുദേവകൃതികളുടെ ആലാപനം,പദ്യപാരായണം,പ്രസംഗം, മോഹിനിയാട്ടം,സംഘനൃത്തം,ഗുരുദേവ ക്വിസ്, കവിതാരചന,ഉപന്യാസം, നാടൻപാട്ട്,പ്രച്ഛന്നവേഷം.