തിരുവല്ല: കവിയൂർ പുഞ്ചയുടെ ഭാഗമായി ബിലിവേഴ്സ് ചർച്ചിന്റെ ഉടമസ്ഥതയിലുള്ള പാടത്ത് വിതയുത്സവം നടത്തി.ബിലീവേഴ്സ് ഈസ്റ്റേൺ ചർച്ച് നിരണം അതിഭദ്രാസന സഹായമെത്രാൻ മാത്യുസ് മോർ സിൽവാനിയോസ് എപ്പിസ്കോപ്പാ ഉദ്ഘാടനം ചെയ്തു. കവിയൂർ പഞ്ചായത്ത് പ്രസിഡന്റ് എലിസബത്ത് മാത്യു അദ്ധ്യക്ഷത വഹിച്ചു. ജില്ലാ പഞ്ചായത്തംഗം എസ്.വി.സുബിൻ മുഖ്യാതിഥിയായി.മല്ലപ്പള്ളി ബ്ലോക്ക് പഞ്ചായത്ത് വൈസ് പ്രസിഡന്റ് കെ.ദിനേശ്,കവിയൂർ ഭദ്രാസന പി.ആർ.ഒ സിബി സാം തോട്ടത്തിൽ,ഫാ.റെജി കെ തമ്പാൻ,ഫാ.ഷിജു മാത്യു, പഞ്ചായത്തംഗം ദീപ്തി കുര്യൻ,പാടശേഖര സമിതി ഭാരവാഹികളായ രാജേഷ് കാടമുറി, സതീഷ് കുമാർ, രാജശേഖരൻ പിള്ള എന്നിവർ പ്രസംഗിച്ചു.