പത്തനംതിട്ട: സമഗ്ര പച്ചക്കറി കൃഷി വികസന പദ്ധതിയുടെ ജില്ലാതല അവാർഡ് വിതരണോദ്ഘാടനവും അവാർഡ് ദാനവും ഇന്ന് വൈകിട്ട് മൂന്നിന് അടൂർ ഗവ.ഗേൾസ് ഹയർ സെക്കന്ററി ഹൈസ്​കൂളിൽ കൃഷി വകുപ്പ് മന്ത്രി വി.എസ് സുനിൽകുമാർ നിർവഹിക്കും. ജില്ലയിലെ സംസ്ഥാനതല അവാർഡ് ജേതാക്കളായ കർഷകരേയും ഉദ്യോഗസ്ഥരെയും ആദരിക്കും.
ചിറ്റയം ഗോപകുമാർ എം.എൽ.എ അദ്ധ്യക്ഷത വഹിക്കും. ആന്റോ ആന്റണി എം.പി, എം.എൽ.എമാരായ മാത്യു ടി. തോമസ്, രാജു എബ്രഹാം, വീണാ ജോർജ്, കെ.യു.ജനീഷ് കുമാർ, ജില്ലാ പഞ്ചായത്ത് പ്രസിഡന്റ് അന്നപൂർണാദേവി, ജില്ലാ പഞ്ചായത്ത് വൈസ് പ്രസിഡന്റ് ജോർജ് മാമൻ കൊണ്ടൂർ, ജില്ലാ പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ എലിസബത്ത് അബു, ജില്ലാ പഞ്ചായത്ത് അംഗങ്ങളായ ടി. മുരുകേഷ്, സാം ഈപ്പൻ, അടൂർ മുൻസിപ്പൽ ചെയർപേഴ്‌സൺ ഷൈനി ബോബി, പറക്കോട് ബ്ലോക്ക് പഞ്ചായത്ത് പ്രസിഡന്റ് ബീന പ്രഭ, പള്ളിക്കൽ ഗ്രാമപഞ്ചായത്ത് പ്രസിഡന്റ് പ്രസന്നകുമാരി, പറക്കോട് ബ്ലോക്ക് പഞ്ചായത്ത് പ്രസിഡന്റ് എൻ. രാധാകൃഷ്ണൻ, പള്ളിക്കൽ ഗ്രാമപഞ്ചായത്ത് വൈസ് പ്രസിഡന്റ് എ.പി.സന്തോഷ്, ബ്ലോക്ക് പഞ്ചായത്ത് അംഗം ആശാ ഷാജി, പള്ളിക്കൽ പഞ്ചായത്ത് അംഗമായ കുഞ്ഞുമോൾ കൊച്ചു പാപ്പി, എൻ.ഡബ്ല്യു.ഡി.പി.ആർ.എ കൃഷി ഡെപ്യൂട്ടി ഡയറക്ടർ എൻ.ചന്ദ്രശേഖരൻ, പ്രിൻസിപ്പൽ കൃഷി ഓഫീസർ ഷീല പണിക്കർ, കൃഷി അസിസ്റ്റന്റ് ഡയറക്ടർമാരായ കെ.എസ് പ്രദീപ്, കെ.വി സുരേഷ്, രാഷ്ട്രീയ പ്രതിനിധികളായ കെ.പി ഉദയഭാനു, എ.പി ജയൻ, ബാബു ജോർജ്, അശോകൻ കുളനട, അലക്‌സ് കണമല, വിക്ടർ ടി തോമസ്, എബ്രഹാം തലവടി, മുണ്ടക്കൽ ശ്രീകുമാർ, സമദ് മേപ്പുറത്ത്, വാളകം ജോൺ എന്നിവർ പങ്കെടുക്കും.