പത്തനംതിട്ട: കേരള എൻ.ജി.ഒ യൂണിയൻ ജില്ലാ കമ്മിറ്റിയുടെ നേതൃത്വത്തിൽ കേരള അഡ്മിനിസ്‌ട്രേറ്റീവ് സർവീസ് പരീക്ഷയ്ക്ക് തയ്യാറെടുക്കുന്ന ഉദ്യോഗാർത്ഥികൾക്കായി സംഘടിപ്പിച്ച പരിശീലന പരിപാടിയുടെ ഉദ്ഘാടനം ജില്ലാ കളക്ടർ പി.ബി.നൂഹ് നിർവഹിച്ചു. യൂണിയൻ ജില്ലാ പ്രസിഡന്റ് എ. ഫിറോസ് അദ്ധ്യക്ഷനായിരുന്നു. ഡപ്യൂട്ടി കളക്ടർ എസ്.ശിവപ്രസാദ് , യൂണിയൻ സംസ്ഥാന സെക്രട്ടേറിയറ്റ് അംഗം എസ്.സുശീല, ജില്ലാ സെക്രട്ടറി സി.വി.സുരേഷ് കുമാർ, എസ്.ബിനു എന്നിവർ സംസാരിച്ചു . ശനി,ഞായർ ദിവസങ്ങളിൽ എൻ. ജി.ഒ യൂണിയൻ ഹാളിലാണ് ക്‌ളാസുകൾ നടക്കുക. പങ്കെടുക്കാൻ താത്പര്യമുള്ളവർ രജിസ്റ്റർ ചെയ്യണം. വിവരങ്ങൾക്ക് ഫോൺ: 8921562584, 9447454743.