പത്തനംതിട്ട: പിന്നാക്ക വിഭാഗ വികസന വകുപ്പ് നടപ്പാക്കുന്ന ഒ.ബി.സി പ്രീമെട്രിക് സ്‌​കോളർഷിപ്പ് പദ്ധതിയുമായി ബന്ധപ്പെട്ട് തിരുവനന്തപുരം മുതൽ എറണാകുളം വരെയുളള ജില്ലകളിലെ ഗവ/എയ്ഡഡ് സ്​കൂളുകളിൽ 2015​ -16, 2016​ - 17, 2017​- 18 വർഷങ്ങളിൽ ഗുണഭോക്തൃ പട്ടികയിൽ ഉൾപ്പെട്ടിട്ടും തുക ലഭിക്കാത്ത ഒ.ബി.സി പ്രീമെട്രിക് വിദ്യാർത്ഥികളുടെ ന്യൂനത പരിഹരിച്ച ബാങ്ക് അക്കൗണ്ട് വിവരങ്ങൾ നിശ്ചിത മാതൃകയിൽ പ്രധാന അദ്ധ്യാപകർ ലഭ്യമാക്കണമെന്ന് പിന്നാക്ക വിഭാഗ വികസന വകുപ്പ് എറണാകുളം മേഖലാ ഡെപ്യൂട്ടി ഡയറക്ടർ അറിയിച്ചു. അയയ്‌ക്കേണ്ട വിലാസം ​ മേഖലാ ഡെപ്യൂട്ടി ഡയറക്ടർ, പിന്നാക്ക വിഭാഗ വികസന വകുപ്പ് , രണ്ടാം നില, സിവിൽ സ്റ്റേഷൻ , കാക്കനാട്, എറണാകുളം, പിൻ ​: 682 030. ഫോൺ : 0484​2429130.