കൊല്ലം: അഞ്ചൽ ഗവ. സ്​കൂളിൽ വിനോദയാത്രയ്ക്ക് പോകാൻ എത്തി അഭ്യാസ പ്രകടനം നടത്തിയതിന്റെ പേരിൽ നടപടി നേരിട്ട ബസിന്റെ ഉടമകൾ മോട്ടോർവാഹന വകുപ്പിനെ വെല്ലുവിളിച്ചു. ഡ്രൈവർമാരുടെ ലൈസൻസ് രണ്ടുമാസത്തേക്ക് മാത്രമേ റദ്ദാക്കാൻ സാധിക്കൂവെന്നും രണ്ടുമാസം കഴിഞ്ഞാൽ ഇവർ തന്നെ ബസുകൾ ഓടിക്കുമെന്നും ഫെയ്‌​സ്ബുക്ക് പോസ്റ്റിലൂടെ പ്രഖ്യാപിക്കുകയായിരുന്നു. നടപടി നേരിട്ട ലൂമിയർ ബസിന്റെ ഫെയ്‌​സ്ബുക്ക് പേജിലാണ് പോസ്റ്റ് പ്രത്യക്ഷപ്പെട്ടത്. വിവാദമായതോടെ ഇതു പിൻവലിച്ചു.

ഈ ഡ്രൈവർമാരടെ വാഹനം ഓടിച്ചുള്ള പരിചയം വളരെ വലുതാണ്. രണ്ടുമാസത്തിന് ശേഷം അവർ തന്നെ ഈ ബസുകൾ ഓടിക്കുമെന്നും ബസുടമകൾ പറയുന്നു.

ഓടുന്ന വണ്ടിയിൽ നിന്ന് ചാടിയിറങ്ങുന്നതിന്റെ ദൃശ്യങ്ങൾ പുറത്തുവന്നതിന്റെ പിന്നാലെയാണ് ലൂമിയർ ബസിലെ ഡ്രൈവർക്കെതിരെ നടപടിയെടുത്തത്. ബസുകളുടെ ഫിറ്റ്‌​നസ് റദ്ദാക്കാനുള്ള നീക്കവും മോട്ടോർ വാഹന വകുപ്പ് തുടങ്ങിയിട്ടുണ്ട്.

കൊല്ലം ജില്ലയിലെ അഞ്ച് ബസുകളുടെ ഫിറ്റ്‌​നസാണ് റദ്ദാക്കിയിരിക്കുന്നത്. ഇതിന് പുറമെ, 55 ബസുകൾക്ക് പഴയീടാക്കുകയും ചെയ്തിരുന്നു.